ԵԱՏՄ-ն ապահովում է Հայաստանի և մյուս անդամ երկրների արագ զարգացումը․ Դմիտրի Պեսկով

08-05-2024 15:49:03 | Հայաստան | Ի՞նչ է գրում մամուլը

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Եվրասիական տնտեսական միությունն անդամ երկրներին տալիս է համախառն ներքին արդյունքի նկատելի աճ:

«Արմենպրես»-ի հաղորդմամբ՝ Դմիտրի Պեսկովն այս մասին ասել է՝ ի պատասխան այն հարցի, թե արդյոք Կրեմլն ակնկալո՞ւմ է, որ Հայաստանը կարող է դադարեցնել իր մասնակցությունը ԵԱՏՄ-ին։

Խոսնակն ընդգծել է, որ ԵԱՏՄ-ն զարգացնելը բխում է բոլոր մասնակից երկրների շահերից։

«Եվրասիական տնտեսական միությունն անդամ երկրներին տալիս է համախառն ներքին արդյունքի նկատելի աճ։ Ընդհանրապես, ինտեգրացիոն գործընթացն ինքնին (խմբ․ ԵԱՏՄ շրջանակներում) շատ հաջող է, այն ապահովում է Հայաստանի և անդամ մյուս երկրների արագ զարգացումը»,- հայտարարել է Պեսկովը և հավելել, որ ԵԱՏՄ անդամ երկրները դրա մասին տեղյակ են։

Կրեմլի ներկայացուցիչը նաև նշել է, որ ԵԱՏՄ ինտեգրացիոն գործընթացի մասնաբաժինն անդամ երկրների ՀՆԱ-ի տարեկան աճի տեմպերում շատ ու շատ նկատելի է։

Ավելի վաղ վարչապետի աշխատակազմից տեղեկացրել էին, որ Հայաստանի Հանրապետության վարչապետ Նիկոլ Փաշինյանն աշխատանքային այցով մեկնել է Ռուսաստանի Դաշնություն։ Նշվել էր, որ Մոսկվայում Նիկոլ Փաշինյանի նախագահությամբ տեղի կունենա Եվրասիական տնտեսական բարձրագույն խորհրդի նիստը: Նախատեսված է նաև ՀՀ վարչապետի և ՌԴ նախագահի հանդիպումը:

Նոյյան տապան - Ի՞նչ է գրում մամուլը

Կարդացել են 712 անգամ

https://s1.merlive.am/Noian_Tapan/embed.html?autoplay=false&play

ԵԱՏՄ-ն ապահովում է Հայաստանի և մյուս անդամ երկրների արագ զարգացումը․ Դմիտրի Պեսկով

Noyan Tapan TV