10-05-2024 11:09:40 | Հայաստան | Ի՞նչ է գրում մամուլը
Հայկական ժամանակ. «Մեր գործը մինչև հիմա չի եղել քաղաքական գործընթաց։ Հիմա, մեր կարծիքով, քաղաքական գործիչների խորհրդակցության արդյունքում, արդեն ծրագրվի»:
Այս մասին լրագրողների հետ զրույցում հայտնել է Երևան հասած շարժման առաջնորդ Բագրատ Գալստանյանը:
Նա նշել է, որ երեկ խորհրդարանական պատգամավորների հետ է հանդիպել, խոսել, թե ինչ ձևով է առաջ ընթանալու գործընթացը:
«Նրանք պատրաստ են այդ գործընթացը այս փուլում շարունակելու և օրինակ ճանապարհով հասցնել ավարտին։ Այդ ժամանակ պահանջվելու է նաև վարչապետի թեկնածու և այդ ժամանակ էլ երևի կհնչի անուն»,- ասաց Բագրատ Սրբազանը։
Հարցին, թե անուններ քննարկվու՞մ են, Բագրատ Սրբազանը դրական պատասխան տվեց՝ հավելելով, որ տարբեր անուններ են քննարկվում, լրագրողների սիրած ու չսիրած անուններ, բայց ի վերջո, համաձայնություն կլինի, թե ով է լինելու թեկնածուն, ում անձի շուրջ կհավաքվեն: Դա, ըստ հոգևորականի, լինելու է արդեն գործընթացի երկրորդ փուլը:
«Հիմա մենք ժողովրդին արթնացնելու փուլում ենք»,-նշեց Բագրատ Գալստանյանը:
Նա նաև հավելեց, որ քաղաքական խորհրդակցությունները տեղի են ունեցել խորհրդարանական 2 խմբակցությունների հետ, «Քաղաքացիական պայմանագիր»-ը դրան չի մասնակցել:
Լրագրողները հետաքրքրվեցին, թե, այնուամենայնիվ, ո՞ր քաղաքական ուժի ներկայացուցիչ է լիննելու իրենց առաջարկած վարչապետի թեկնածուն, ո՞վ է լինելու և արդյո՞ք ճիշտ է Ռոբերտ Քոչարյանի՝ այդ թեկնածուն լինելու մասին լուրերը:
Բագրատ Գալստանյանն ի պատասխան նշեց, որ հնարավոր է՝ ոչ մի քաղաքական ուժից էլ չլինի իրենց ներկայացրած թեկնածուն:
«Բացառու՞մ եք Ռոբերտ Քոչարյանի թեկնածությունը»,-հարց ուղղեցին լրագրողները:
«Բացառում եմ, չէ, նման հարց չկա հրապարակում: Մարդիկ ստեղծեցին այդ միֆը: Ես Ռոբերտ Քոչարյանին հանդիպել եմ միայն 1 անգամ՝ 2001 թվականին, Սևանի թերակղզում, երբ այցելել էինք դպրանյան դպրոց, ընդամենը 5 րոպեով» Նման բան ասողները ստախոս են:
Ես ոչ երկրորդ նախագահի հետ խոսել եմ, ոչ քննարկել եմ, ոչ էլ նրա շրջանակի հետ եմ քննարկել»:
Լրագրողները հետաքրքրվեցին նաև նախկին ՄԻՊ Արման Թաթոյանի թեկնածության հնարավոր ընտրության մասին: Բագրատ Սրբազանը չհերքեց այդ տեղեկատվությունը և նշեց. «հնարավոր է, ամեն բան էլ հնարավոր է»:
ՀԱՅԵՐԵՆ
Русский
English
Դաս. հայերեն
French
