Տեղի կունենա ջերմաարդիականացված շենքի պաշտոնական բացման արարողությունը
19-09-2014 14:00:00 | Հայաստան | Իրադարձություն
Սեպտեմբերի 19-ին, ժամը 14:00-ին Երևանի Ավան վարչական շրջանի Դ. Վարուժան 6 հասցեում ՄԱԿ-ի Զարգացման ծրագրի (ՄԱԶԾ) հայաստանյան գրասենյակը կազմակերպում է ջերմաարդիականացված շենքի պաշտոնական բացման արարողությունը:
Միջոցառմանը նախատեսվում է Հայաստանում ՄԱԿ-ի մշտական համակարգող, ՄԱԶԾ մշտական ներկայացուցիչ Բրեդլի Բուզետտոյի, Երևանի քաղաքապետ Տարոն Մարգարյանի, ՀՀ քաղաքաշինության նախարար Նարեկ Սարգսյանի, ՀՀ բնապահպանության նախարար Արամայիս Գրիգորյանի, ինչպես նաև միջազգային կառույցների, նախագծային և շինարարական կազմակերպությունների, ուսումնական հաստատությունների ներկայացուցիչների մասնակցությունը:
Շենքի ջերմաարդիականացման աշխատանքները ֆինանսավորվել են ՄԱԶԾ-ԳԵՖ ծրագրի և համաֆինանսավորվել՝ Երևանի քաղաքապետարանի կողմից:
Սա Հայաստանում բազմաբնակարան շենքի առաջին լայնամասշտաբ ջերմաարդիականացման փորձն է, որը կարող է ունենալ բարձր կրկնօրինակելիություն՝ հաշվի առնելով նմանատիպ շենքերի էներգետիկ ծախսերի նվազեցման, ինչպես նաև երկրի էներգետիկ անվտանգության ապահովման անհրաժեշտությունը:
Հավելյալ տեղեկատվության համար դիմել`
Նազինե Խալաֆյանին
ՄԱԶԾ էներգաարդյունավետության ծրագրերի հասարակայնության հետ կապերի պատասխանատու
ՀԱՅԵՐԵՆ
Русский
English
Դաս. հայերեն
French