Ինտելեկտուալ մրցույթ՝ եղեռնի մասին տեղեկացվածությունը բացահայտելու համար
24-11-2014 18:30:00 | Հայաստան | Իրադարձություն
Նոյեմբերի 24-ին՝ ժամը 18:30-ին, ԱՀԹ Ս. Երրորդություն եկեղեցում տեղի կունենա ինտելեկտուալ մրցույթ, որի թեման լինելու է ցեղասպանությունը: Սա «Հայոց մեծ եղեռնի 100-րդ տարելիցին ընդառաջ» ծրագրի 7-րդ միջոցառումն է, որ նպատակ ունի Հայոց ցեղասպանության մասին փաստաթղթերի, միջազգային իրավական ակտերի մասին տեղեկությունները փոխանցել երիտասարդներին, նաև պարզել, թե վերջիններս որքանով են իրազեկված:
Մրցույթին մասնակցելու են թիմեր հասարակական կազմակերպություններից, բուհերի ուսանողական խորհուրդներից, ԱՀԹ երիտասարդաց միություններից: Մեկ թիմով էլ մասնակցելու են լրագրողներ տարբեր լրատվամիջոցներից:
Բացի բուն մրցույթից, թիմերին ու հանդիսատեսին հատուկ հարցեր կուղղեն ԱՀԹ առաջնորդական փոխանորդ գերաշնորհ Տ.Նավասարդ արքեպիսկոպոսն ու Երևանի քաղաքապետ Տարոն Մարգարյանը: Պատասխանողները կարժանանան հատուկ պարգևների:
Արարատյան Հայրապետական թեմի երիտասարդական կառույցները «Հայոց Մեծ Եղեռնի 100-րդ տարելիցին ընդառաջ» ծրագրի շրջանակներում Տ. Նավասարդ սրբազանի օրհնությամբ յուրաքանչյուր ամսվա 24-ին կազմակերպում են ոգեկոչման միջոցառումներ՝ եկեղեցասեր հայ երիտասարդության ձայնն ու դիրքորոշումը ներկայացնելով: