Աշխատաժողով` նվիրված ՀՀ-ում քաղաքային և տարածքային պլանավորման միջազգային նոր ուղեցույցի կիրառման հնարավորություններին
06-03-2015 10:00:00 | Հայաստան | Իրադարձություն
ՀՀ քաղաքաշինության նախարարության Ճարտարապետության ազգային թանգարան-ինստիտուտի սրահում (հասցե` Հանրապետության Հրապարակ, Կառավարական տուն 3) մարտի 6-ին ժամը 10-ին կկայանա «Քաղաքային և տարածքային պլանավորման միջազգային նոր ուղեցույցը և դրա կիրառման հնարավորությունը Հայաստանի Հանրապետությունում» թեմայով աշխատաժողով:
Աշխատաժողովի ընթացքում, որը հիմնված է ՄԱԿ-Հաբիթաթի կողմից մշակված քաղաքային և տարածքային պլանավորման միջազգային նոր ղեկավար սկզբունքների վրա, զեկույցով հանդես կգան ՄԱԿ-Հաբիթաթ ծրագրի միջտարածաշրջանային հետազոտական առաքելության խորհրդատու պարոն Պաուլիուս Կուլիկաուսկասը, ՀՀ քաղաքաշինության նախարարի տեղակալ Ռուզան Ալավերդյանը, Հայաստանի ճարտարապետների միավորման նախագահ Մկրտիչ Մինասյանը և այլք:
Աշխատաժողովի ընթացքում ապահովվելու է հայերեն և անգլերեն համաժամանակյա թարգմանություն: