Աշխատաժողով՝ «Հայաստանում աղետների ժամանակ գնաժամային հաղորդակցության և հանրային իրազեկման կազմակերպումը» թեմայով
02-06-2015 09:30:00 | Հայաստան | Իրադարձություն
Հունիսի 2-3-ը ՀՀ ՏԿԱԻ նախարարությունը և Հայաստանում ԱՄՆ դեսպանության ռազմական համագործակցության գրասենյակը կազմակերպում են «Հայաստանի Հանրապետությունում աղետների ժամանակ (ուժեղ երկրաշարժ) ճգնաժամային հաղորդակցության և հանրային իրազեկման կազմակերպումը» թեմայով աշխատաժողով:
Բացումը տեղի կունենա հունիսի 2-ին, ժամը 09.30-ին Երևանի «Էրեբունի պլազա» հյուրանոցի 9-րդ հարկի սրահում:
Աշխատաժողովի նպատակն է նախապատրաստել ամռանը կայանալիք «Հայաստանի Հանրապետությունում աղետների ժամանակ (ուժեղ երկրաշարժ) ճգնաժամային հաղորդակցության և հանրային իրազեկման կազմակերպումը» թեմայով շտաբային ուսումնավարժությունը, որին ընդգրկված են ՀՀ պետական և տեղական ինքնակառավարման մարմինների, զանգվածային լրատվամիջոցների, ՀՀ-ում հավատարմագրված դիվանագիտական ներկայացուցչությունների, միջազգային և հասարակական կազմակերպությունների ներկայացուցիչներ:
Աշխատաժողովին մասնակցելու նպատակով խնդրվում է մինչև 2015 թ. մայիսի 23-ը info@mes.am էլեկտրոնային հասցեով կամ 010 31-77-20 հեռախոսահամարով ներկայացնել արտակարգ իրավիճակների լուսաբանմամբ զբաղվող լրագրողի կամ խմբագրի թեկնածություն և նրա կոնտակտային տվյալները (անուն, ազգանուն, զբաղեցրած պաշտոնը, հեռախոսահամարը և էլ.փոստի հասցեն):