ՀՀ Էկոնոմիկայի նախարարության «Նորամուծության և ձեռներեցության ազգային կենտրոն» ՊՈԱԿ-ը` «Համայնքային զարգացման նորարարական կենտրոն» հասարակական կազմակերպության, «Երիտասարդ գիտնականների և նորարարների ասոցիացիա» հասարակական կազմակերպության, Երևանում Ռուսաստանի գիտության և մշակույթի կենտրոնի և Մտավոր սեփականության գործակալության հետ համագործակցության շրջանակներում, 2016թ. մարտի 17-ին հրավիրում է մասնակցելու «Ստեղծագործական ներուժ.  ձեռնարկատիրական ոլորտում նորարարությունների ստեղծում և զարգացում» խորագրով սեմինար-աշխատաժողովին:

 

Սեմինար-աշխատաժողովը կազմակերպվում է «Երիտասարդ նորարարների դպրոց» երկարաժամկետ ծրագրի իրականացման շրջանակներում, որով մեկնարկում է տարբեր թեմատիկ ուղղություններով սեմինար-աշխատաժողովների և դասընթացների շարքը ու հասցեագրված է գիտնականներին, ուսանողներին, անհատ նորարարներին, գիտահետազոտական կառույցներին, նորարարական ուղղվածությամբ ձեռնարկություններին, ոլորտի զարգացմամբ զբաղվող այլ պետական և հասարակական կառույցներին:

 

Սեմինար-աշխատաժողովի նպատակն է զարգացնել մասնակիցների ձեռնարկատիրական գիտելիքները, հմտություններն ու կարողությունները, ինչպես նաև մատնանշել ստեղծագործ մտածելակերպի դերը և նշանակությունը նորարարական ձեռներեցության բնագավառում:

Մասնակիցները հնարավորություն կունենան ծանոթանալու նորարական գաղափարների գեներացման մեթոդներին, հմտանալու բիզնես մոդելավորման ու պլանավորման գործընթացներում, կիրառելու ստեղծագործական մտածելակերպը սեփական բիզնեսի արդյունավետ կազմակերպման և առաջխաղացման համար:

 

 

 

                                                                                  ՕՐԱԿԱՐԳ

 

15:00   Բացման խոսք: «Ստեղծագործական ներուժ. ձեռնարկատիրական ոլորտում նորարարությունների ստեղծում և զարգացում» սեմինար-աշխատաժողովի նպատակը

Գևորգ Վարդանյան, «ՆՁԱԿ» ՊՈԱԿ-ի  տնօրեն

 

15:10  Ողջույնի խոսք

Մարկ Կալինին, Երևանում ՌԴ գիտության և մշակույթի կենտրոնի տնօրեն   

 

15: 20  Ստեղծագործ մտածելակերպի դասավանդման և կիրառման անհրաժեշտությունը

Դասընթացավար` Մարի-Հրաչուհի Պօղոսեան, «NASA տիեզերական առաքելությունների զարգացման» ծրագրի նորարարական տեխնոլոգիական առաջարկների վերանայման  և գնահատման մենեջեր, Հայաստանի Ամերիկյան Համալսարանի բիզնեսի և տնտեսագիտության ֆակուլտետի դասախոս

 

16:15    Սուրճի ընդմիջում

 

16:30    Նորարարություն և ձեռներեցություն

Դասընթացավարներ`

Մարի-Հրաչուհի Պօղոսեան

Կարեն Սարգսյան, «Համայնքային զարգացման նորարարական կենտրոն» հասարակական կազմակերպության փոխնախագահ

 

 

Միջոցառումը տեղի կունենա 2016թ. մարտի 17-ին, ժամը 15:00-ին «Նորամուծության և ձեռներեցության ազգային կենտրոն» ՊՈԱԿ-ում (ք. Երևան, Կոմիտասի պող. 49/3, խորհրդակցությունների դահլիճ, 2-րդ հարկ):

Հրավիրում ենք ձեզ մասնակցելու և լուսաբանելու միջոցառումը

 

Լրացուցիչ տեղեկությունների համար  կարող եք դիմել հասարակայնության հետ կապերի և միջոցառումների կազմակերպման բաժին. հեռ.`(011)238747, Էլ. փոստ` adasarg@innovcentre.am

 

Մանրամասն տեղեկատվություն միջոցառման մասին նայել ՆՁԱԿ-ի կայքէջում` http://www.innovcentre.am, ֆեյսբուքյան էջում` https://www.facebook.com/InnovCentre

 

 

 

 

Նոյյան տապան   -   Իրադարձություն