Հանրահայտ սոմելյե Իվան Բաչուրինը Հայաստանում կանցկացնի բացառիկ վարպետության դասընթաց-համտես
02-06-2016 19:30:00 | Հայաստան | Իրադարձություն
Հունիսի 2-ին, ժամը՝ 19:30-ին, «Փարիզ» հյուրանոցի 12-րդ հարկում գտնվող «Մոնմարտր» ռեստորան և կոկտեյլ-բարում Հայաստան հատուկ այցով ժամանած հանրահայտ սոմելյե Իվան Բաչուրինին միայն ԶԼՄ-ների ներկայացուցիչների և բլոգերների համար կանցկացնի բացառիկ վարպետության դասընթաց-համտես:
Միջոցառման ընթացքում սոմելյե Իվան Բաչուրինը հյուրերին կներկայացնի վիսկիի ստեղծման և զարգացման պատմությունը, կծանոթացնի վիսկիի օգտագործման մշակույթին, ծեսին և ավանդույթներին, համտեսման կանոններին և գաղտնիքներին:
Համտեսի համար Բաչուրինը ընտրել է աշխարհի վիսկի գնահատողների շրջանակում ամենահայտնի և որակի բազմաթիվ մրցանակների արժանացած շոտլանդական լեգենդար Glenmorangie վիսկին, որի տարբեր տեսակների փորձարկման և կարծիքների փոխանակման միջոցով մասնակիցները կճանաչեն և իրենց համար կբացահայտեն վիսկիի առեղծվածը:
Վարպետության դասընթաց-համտեսի ընթացքում Իվան Բաչուրինը անմիջական շփման մթնոլորտում կպատասխանի լրագրողների հարցերին:
Վիսկին փիլիսոփայություն է: Այն միայն սիրելը բավական չէ, այն հասկանալ է պետք:
Իվան Բաչուրին
Իվան Բաչուրինը ազգությամբ ուկրաինացի առաջատար և հայտնի սոմելյե է՝ վիսկիի և գինու: 2000 թվականից սկսած աշխատել է որպես բարմեն՝ անընդհատ ուսումնասիրելով և հետաքրքրվելով ալկոհոլային խմիչքների պատմությամբ, բաղադրությամբ և տեսակներով: 2006 թվականին ավարտել է Դմիտրի Սիդկորենկոյի անվան սոմելյեների դպրոցը՝ ստանալով սոմելյեյի մասնագիտական որակավորում: 2008 թվականից հանդիսանում է Ա. Սավչենկոյի անվան վիսկի գնահատողների համաուկրաինական ակումբի և Ուկրաինայի սոմելյեների ասոցիացիայի անդամ: 2009 թվականին ճանաչվել է Ուկրաինայի լավագույն սոմելյե և Ուկրաինայի սոմելյեների և գինեգործների մրցույթի կույր համտեսի հաղթող: Մասնակցել է նաև սոմելյեների Եվրոպայի 2010 թվականի առաջնությանը: 2010 թվականից «Ուկրաինայի լավագույն սոմելյե» մրցույթի ժյուրիի հանձնաժողովի մշտական անդամ է: Դասավանդում է Ուկրաինայի՝ սոմելյեների առաջատար դպրոցներում, հանդիսանում է համտեսի մի շարք թրեյնինգային ծրագրերի հեղինակ: 2010 թվականին հիմնադրել է “Spirit Club” վիսկիի գնահատողների ակումբը: Ուկրաինայի լավագույն “Whisky Corner” ռեստորանի ավագ սոմելյեն է:
Իվան Բաչուրինը Louis Vuitton Moet Hennessy-ի բրենդ ամբասադորն է ԱՊՀ երկրներում:
Մասնագիտական գործունեության ընթացքում Բաչուրինը այցելել է Մեծ Բրիտանիայի թվով 54 վիսկիի ծխեցման կայաններ և պլանավորվում է ևս 52 այց:
Միջոցառմանը հավատարմագրվելու համար խնդրում ենք կապ հաստատել`
միջոցառման պաշտոնական PR-գործընկեր SPRING PR-ընկերություն