Հուշ-երեկո՝ նվիրված Արամայիս Սահակյանի ծննդյան 80-ամյակին
04-06-2016 19:30:00 | Հայաստան | Մշակույթ
Հունիսի 4-ին, ժամը 19:30-ին, Հ. Պարոնյանի անվան երաժշտական կոմեդիայի պետական թատրոնում տեղի կունենա հուշ-երեկո` նվիրված գրող, բանաստեղծ, երգիծաբան Արամայիս Սահակյանի ծննդյան 80-ամյա հոբելյանին: Երեկոյի բեմադրիչն է Տիգրան Գասպարյանը, նկարիչ՝ Կարեն Ասլանյան, երեկոն կվարեն Աշոտ Ղազարյանը և Հրանտ Թոխատյանը:
Հոբելյանական երեկոյին ելույթի խոսքով հանդես կգան ՀՀ ժողովրդական արտիստ Երվանդ Ղազանչյանը, մի շարք ճանաչված մտավորականներ: Այնուհետև, կցուցադրվի Արամայիս Սահակյանի կյանքի, ստեղծագործական ուղու մասին պատմող կարճամետրաժ ֆիլմ:
Երեկոյի ընթացքում՝ ճանաչված երաժիշտների կատարմամբ կհնչեն Ա. Սահակյանի խոսքերով գրված երգեր, իսկ երիտասարդ դերասանները կընթերցեն հատվածներ նրա քնարական պոեզիայից: