Վորլդ Վիժն Հայաստանը Երեխաների պաշտպանության միջազգային օրվա առթիվ 2016թ. հունիսի 1-ին, ժամը 17:00-20:00-ը Հյուսիսային պողոտայի Տերյան-Թումանյան հատվածում կազմակերպում է «Մենք տարբեր ենք ու հավասար» խորագրով միջոցառում: Միջոցառման նպատակն է ուշադրություն հրավիրել երեխաների իրավունքների, ընտանեկան բռնությունների, սեռով պայմանավորված հղիության արհեստական ընդհատումների հիմնախնդիրների վրա:
Միջոցառմանը համերգով հանդես է գալու Alexandrapol Orchestra խումբը, ապահովելով տոնական մթնոլորտ: Մասնակիցները հնարավորություն կունենան նկարվելու սեռերի տարբերությունն ու հավասարությունը խորհրդանշող ֆոտոստենդների մոտ, երեխաները սեղանների շուրջը կնկարեն, իսկ ծնողների և անցորդների համար կկազմակերպվի վիկտորինա, որի հաղթողներին սպասվում են հաճելի անակնկալներ: