Հանդիսավոր արարողություն՝ Հայաստանում ֆրանսիական համալսարանի (ՀՖՀՀ) 15-ամյակի
30-06-2016 18:00:00 | Հայաստան | Իրադարձություն
Հունիսի 30-ին, ժամը 18:00-ին, «Բեսթ Վեսթերն Կոնգրես» հյուրանոցում (հասցե՝ Իտալիայի փող., 1 շենք) տեղի կունենա Հայաստանում ֆրանսիական համալսարանի (ՀՖՀՀ) 15-ամյակին նվիրված հանդիսավոր արարողությունը:
Համալսարանը երկրորդ անգամ նախաձեռնել է Հայաստանում նախադեպը չունեցող շրջանավարտների տեղեկատուի հրատարակությունը և ներկայացումը հանրությանը: Ինչպես դա ընդունված է լավագույն բուհերում, այս տեղեկատուն ներկայացնում է մեր համալսարանի շրջանավարտների աշխատանքի տեղավորման աստիճանը և զբաղվածության ոլորտները:
Արարողությանը ներկա կգտնվեն ՀՀ վարչապետ Հովիկ Աբրահամյանը, Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն, ՀՀ ԿԳ նախարար Լևոն Մկրտչյանը, Ժան Մուլեն Լիոն 3 համալսարանի նախագահ Ժակ Կոմբին, Հայաստանում ֆրանսիական համալսարանի հոգաբարձուների խորհրդի նախագահ Արթուր Բաղդասարյանը, պաշտոնատար այրեր, դիվանագիտական կորպուսի ներկայացուցիչներ, ձեռնարկության ղեկավարներ:
ՀԱՅԵՐԵՆ
Русский
English
Դաս. հայերեն
French
