Կառավարման խորհրդատվության Հայաստանի ինստիտուտը (IMC Armenia) հրավիրում է մամուլի ասուլիսի, որը նվիրված է East Invest2-ի շրջանակներում բիզնես ասոցացիաների համար իրականացվող «EU4Business շաբաթ» միջոցառումների ամփոփիչ փուլին: Միջոցառումների շարքին պաշտոնապես մասնակցում են Միջազգային տնտեսական ինտեգրման և բարեփոխումների նախարարությունը, Հայաստանի զարգացման հիմնադրամը, ՓՄՁ ԶԱԿ-ը, Վերակառուցման և զարգացման եվրոպական բանկը, Փոքր ձեռնարկությունների աջակցման հիմնադրամը։
ՕՐԱԿԱՐԳ
12:00 - Լրագրողների գրանցում
12:30 - Ասուլիսի սկիզբը
Սիլվա Մեսրոպյանը կներկայացնի ասուլիսի և իրականացվող միջոցառումների նպատակը
12։45 - Քրիստիան Գեսսլի խոսքը
Կներկայացվեն East Invest2-ի նպատակները և այն առավելությունները, որ այս
միջոցառումների շարքը կբերի Հայաստանի տնտեսությանը
13։00 - Արտակ Զոփունյանի խոսքը
Կներկայացվի Հայաստանում խորհրդատվական ոլորտի դերը՝ տնտեսության զարգացման և հզորացման համար։
13։10 – Հարց ու պատասխան
13։30 – Ասուլիսի ավարտը
***
Կառավարման Խորհրդատվության Հայաստանի Ինստիտուտը (IMC-Armenia) ստեղծվել է՝ Հայաստանում բիզնեսի կառավարման խորհրդատվության ոլորտում չափանիշներ սահմանելու, միջազգային լավագույն փորձն ու գիտելիքը խթանելու և այն Հայաստանում հասանելի դարձնելու նպատակով:
Կառավարման խորհրդատվության Հայաստանի ինստիտուտի առաքելությունն է խթանել Հայաստանում կառավարման խորհրդատվության գերազանցությունն և էթիկան՝ շարունակական մասնագիտական զարգացմամբ, միջազգային որակավորմամբ, միասնական ցանցի ձևավորմամբ, տեղական ու միջազգային հաճախորդներին մատուցվող ծառայությունների արժեվորմամբ, որակի և շահավետության բարձրացմամբ:
Ներկայումս կազմակերպությունը համախմբում է ոլորտի 30 առաջատար խորհրդատուների: