«Նոյյան Տապան».Տեղի կունենա Մովսէս Անդրանիկի Նաճարեանի «Լեզուաբանութի՞ւն թէ Իմաստասիրութիւն» գրքի շնորհանդեսը
18-02-2017 12:00:00 | Հայաստան | Շնորհանդես
Փետրվարի 18-ին ժամը 12.00-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) «Գիրք նվիրելու» օրվա կապակցությամբ տեղի կունենա Մովսէս Անդրանիկի Նաճարեանի «Լեզուաբանութի՞ւն թէ Իմաստասիրութիւն» գրքի շնորհանդեսը։
Միջոցառմանը ներկա կլինեն մշակույթի ոլորտի ներկայացուցիչներ և հասարակական – քաղաքական գործիչներ։
Ավանդույթի համաձայն՝ շնորհանդեսին կհաջորդի փոքրիկ հյուրասիրություն:
Հեղինակի մասին.
Մովսէս Անդրանիկի Նաճարեան
Մշեցի եւ Սասունցի նախնիներից, եւ Կիլիկեցի ծնորղներից, ծնուել է Սիրիոյ Հալէբ քաղաքում 1950 թ.-ին, մեծացել է Բէյրութիւմ, եւ 1983-ից ապրում է Երեւանում:
Սովորել է Բէյրութի Վահան Թէքէեանի անուան դպրոցում, ապա Հ.Բ.Ը.Մ.-ի Յովակիմեան-Մանուկեան երկրորդական վարժարանում, նաեւ երկու տարի հետեւել է Բէյրութի Երուանդ Հիւսիսեանի անուան հայագիտական ամբիոնի դասընթացներին՝ բանաստեղծ, մանկավարժ եւ հայագէտ Վահէ Վահեանի տնօրինութեան ներքոյ:
Գրաբարից աշխարհաբարի է թարգմանել սուրբ Մեսրոպ Մաշտոց լուսաւորչի հեղինակած "Յաճախապատում Ճառք Լուսաւորք" ծաւալուն իմաստասիրական եւ հիմնարար աստուածաբանական հոգեւոր երկը, որին յաջորդել է նրա հեղինակային "Լեզուաբանութի՞ւն թէ Իմաստասիրութիւն" երկը, երկուսն էլ առաջին անգամ հրատարակուած Հալէբում:
Ներկայ հատորը վերջինի ընդարձակուած, լացուցիչ քարտէսներով եւ նկարներով հարստացուած երկրորդ հրատարակութիւնն է, Երեւանում:
Հանդէս է եկել մամուլում եւ հեռուստաեթերում իր պատմաբանական, իմացական-ճանաչողական եւ լեզուաբանական նիւթերով, նաեւ դասախօսութիւններով է ներկայացել կրթական տարբեր օջախներում:
Ներկայիս գործակցում է Արեւմտեան Հայստանի Հանրապետութեան Կառավարութեան հետ, որի կազմում ընդգրկուած է որպէս Գիտութեան-Կրթութեան փոխնախարար:
Հավելյալ տեղեկությունների համար դիմել՝ 060-35-11-24 կամ 093-669-339 հեռախոսահամարներով՝ Մարի Պետրոսյանին։
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումով. Noyan Tapan TV - YouTube
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։