«Մեդիա կենտրոն». Թուրքիա․ սոցիալական ձեռներեցության հնարավորություններն ու հեռանկարները
21-06-2018 14:00:00 | Հայաստան | Ասուլիս
Հունիսի 21-ին, ժամը 14:00-ին «Մեդիա կենտրոնում» տեղի կունենա հարցազրույց-ասուլիս Թուրքիայում ճանաչված սոցիալական ձեռներեց, Աշոկա ծրագրի մասնակից, Աշոկա Թուրքիայի խորհրդի անդամ Իթիր Էրհարթի հետ «Թուրքիա․ սոցիալական ձեռներեցության հնարավորություններն ու հեռանկարները» թեմայով։
Իթիր Էրհարթը 2 սոցիալական ձեռնարկատիրության համահիմնադիր է` Adim Adim (Քայլ առ Քայլ) և Açık Açık (Բացեիբաց): 2009թ. նկարահանվել է CNN Turk’s-ի «Թուրքիայի չեյնջմեյքերները» փաստագրական շարքում: 2014թ.-ից անդամակցում է Աշոկային, որը հիմնադրվել է 1980 թ.-ին Հնդկաստանում` աջակցելով աշխարհում առաջատար սոցիալական ձեռներեցներին:
Իթիր Էրհարթն ուսումնասիրել է փիլիսոփայություն, արևմտյան լեզուներ ու գրականություն Ստամբուլի Բոգազիչի համալսարանում: Փիլիսոփայության մագիստրոսի աստիճան ստացել է Քեմբրիջի համալսարանում: 2001թ.-ից սկսել է դասավանդել Ստամբուլի Բիլջի համալսարանի մեդիա և հաղորդակցության համակարգերի ֆակուլտետում: 2006թ. Բոգազիչի համալսարանում ստացել է փիլիսոփայությական գիտությունների թեկնածուի գիտական աստիճան: Նա ունի դոցենտի կոչում:
ՀԱՅԵՐԵՆ
Русский
English
Դաս. հայերեն
French
