Լեգենդար ջազ կիթառահար Էլ Դի Մեոլան մանրամասներ է բացահայտել երևանյան համերգի վերաբերյալ

10-11-2019 18:00:00   | Հայաստան  |  Համերգ
 


 
 
Ամերիկացի վիրտուոզ կիթառահար Էլ
Դի Մեոլան, ով Հայաստան կժամանի համերգով, մանրամասներ է բացահայտել երեկոյի վերաբերյալ: Երաժիշտը նոյեմբերի 10-ին, ժամը 18:00 Կ. Դեմիրճյանի անվան մարզահամերգային համալիրում հանդես կգա ինքնատիպ ծրագրով:
 
«Անչափ ուրախ եմ լինելու այս տարվա նոյեմբերին Հայաստանում՝ Երևանում, անցկացվող Silk Note փառատոնի մասնիկը: Համերգի ընթացքում կհնչեն հեղինակային, ինչպես նաև տանգոյի վարպետ Աստոր Պիացոլայի, Լենոնի և Մաքքարթնիի ստեղծագործությունները: Անհամբեր սպասում եմ մեր հանդիպմանը»,-նշել է Էլ Դի Մեոլան: Նա նաև հավելել է, որ իր համերգի ընթացքում իր հետ բեմում ելույթ կունենան բարձրակարգ և պրոֆեսիոնալ երաժիշտներ Իտալիայից, Կուբայից, Իսպանիայից:  
 
Նշենք, որ Էլ Դի Մեոլայի երևանյան համերգը տեղի է ունենալու Silk Note Festival-ի շրջանակում, որը «Իմ քայլը» բարեգործական հիմնադրամի և «Մշակութային տուրիզմի զարգացման միջազգային ասոցիացիա» հասարակական կազմակերպության համատեղ նախաձեռնությունն է, փառատոնի գործընկերն է Berin Iglesias Art-ը:
 
Վիրտուոզ, ջազի լեգենդ Էլ Դի Մեոլան հանդես է գալիս ջազ ֆյուժն ժանրում: Նա մեր օրերի ամենահեղինակավոր կիթառահարներից է, 2009 թվականին Classic Rock ամսագիրը նրան է ներառել
բոլոր ժամանակների լավագույն կիթառահարների ցանկում: Նրա ցնցող տեխնիկան Դի Մեոլային արքայական կարգավիճակի է արժանացրել կիթառի երկրպագուների շրջանում, որոնք բաց չեն թողնում նրա և ոչ մի համերգ:
 
Էլ Դի Մեոլան մրցանակների է արժանացել Record World Magazine, Guitar Player Magazine, Tomasa Edisona, Echo ամսագրերի կողմից: Նրա թողարկած սկավառակները մեծաթիվ վաճառքներ են գրանցել աշխարհի տարբեր երկրներում:
 
Համերգից ստացված հասույթն ուղղվելու է մարզերում մշակութային օջախների վերակառուցմանը:  
Նոյյան տապան   -   Համերգ
Լուրեր Հայաստանից եւ Սփյուռքից

Կարդացել են 4814 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար