Մամուլի ասուլիս՝ Դատավորներին կարգապահական պատասխանատվության ենթարկելու հիմնախնդիրները ՀՀ-ում թեմայով
16-12-2021 12:00:00 | Հայաստան | Ասուլիս
Հարգելի լրագրողներ,
2021 թվականի դեկտեմբերի 16-ին ժամը 12:00-ին «Էրեբունի պլազա» բիզնես կենտրոնի 9-րդ հարկի «Արամե» սրահում (հասցե՝ ք․ Երևան, Վազգեն Սարգսյան փողոց 26/1 շենք) տեղի կունենա մամուլի ասուլիս՝ Դատավորներին կարգապահական պատասխանատվության ենթարկելու հիմնախնդիրները Հայաստանի Հանրապետությունում թեմայով:
Ասուլիսի ընթացքում փաստաբան Մելանյա Առուստամյանը կներկայացնի ՀՀ արդատության նախարարության կողմից կարգապահական վարույթ հարուցելու իրավունքի իրականացման ընթացքում դատարանների անկախության վտանգման, գործադիր իշխանության կողմից դատարանի գործունեությանը միջամտելու հնարավորության և նշված թեմայի հետ կապված հիմնախնդիրները:
Ասուլիսի ընթացքում փաստաբանի և Տավուշի մարզի ընդհանուր իրավասության առաջին ատյանի դատարանի նախկին դատավոր Ռաֆիկ Մելքոնյանի կողմից վեր են հանվելու Ռաֆիկ Մելքոնյանի նկատմամբ կարգապահական պատասխանատվության ենթարկելու մասին Բարձրագույն դատական խորհրդի կողմից կայացված որոշումների խնդրահարույց և վտանգավոր մանրամասները:
Հաշվի առնելով վերջին շրջանում դատավորների նկատմամբ կարգապահական վարույթներ հարուցելու հաճախականությունը, նշված խնդրի արդիականությունն ու կարևորելով նման տեղեկատվության տարածումը, հրավիրում ենք զանգվածային լրատվամիջոցների ներկայացուցիչներին մասնակցել ասուլիսին:
ՀԱՅԵՐԵՆ
Русский
English
Դաս. հայերեն
French
