Իտալացի կիթառահար Կառլո Ֆիերենսը հանդես կգա մենահամերգով
06-04-2022 19:00:00 | Հայաստան | Համերգ
Ապրիլի 6-ին, ժամը 19:00-ին «Առնո Բաբաջանյան» համերգասրահում տեղի կունենա իտալացի կիթառահար Կառլո Ֆիերենսի մենահամերգը։
Սա կիթառահարի առաջին համերգը չէ մեզ մոտ՝ Հայաստանում՝ «Առնո Բաբաջանյան» համերգասրահում, որտեղ Ֆիերենսը մշտապես ցանկալի հյուրերի շարքում է։ Համերգը տեղի է ունենում beIT campaign-ի շրջանակներում։ Այն կազմակերպել են Հայաստանի պետական ֆիլհարմոնիան և Հայաստանում Իտալիայի Հանրապետության դեսպանությունը։
Նշենք, որ Ֆիերենսը սկսել է նվագել վաղ տարիքից և մասնակցել մի շարք միջազգային մրցույթների ու փառատոնների՝ նվաճելով մրցանակներ։ Երաժիշտը հասցրել է շրջագայել աշխարհի տարբեր հատվածներում՝ Ամերիկայից Եվրոպա և Ասիա։
Ելույթ է ունեցել մի շարք հեղինակավոր համերգասրահներում, ինչպիսիք են ԱՄՆ-ի Kennedy Center-ը, Ճապոնիայի Munetsugu Hall-ը, Արգենտինայի Museo Metropolitano-ն և այլն։ Զբաղվում է նաև մանկավարժական գործունեությամբ։
ՀԱՅԵՐԵՆ
Русский
English
Դաս. հայերեն
French
