Ավարտական վկայականների հանձնման պաշտոնական արարողությունը
14-04-2022 12:00:00 | Հայաստան | Իրադարձություն
Հարգելի գործընկերներ,
Ապրիլի 14-ին՝ ժամը 12-ին, Վանաձորի տեխնոլոգիական կենտրոնում տեղի կունենա ԱՄՆ Միջազգային զարգացման գործակալության ֆինանսավորմամբ «Հայաստանում աշխատուժի զարգացման» ծրագրի (AWDA) շրջանակում «Ձեռնարկությունների ինկուբատոր» հիմնադրամի կողմից կազմակերպված 1-ին դասընթացի ավարտական վկայականների հանձնման պաշտոնական արարողությունը։
Նշենք, որ 5 ամիս տևողությամբ դասընթացն իրականացվել է Վանաձորում գործող հոլանդական ArchiDutch ճարտարապետական ընկերության հետ համատեղ մշակված կրթական ծրագրով: Դասընթացն օգնել է մասնակիցներին ձեռք բերել ոչ միայն մասնագիտական գիտելիքներ, այլև հաղորդակցման և թիմային հմտություններ, ինչի արդյունքում դասընթացի 11 մասնակիցները ArchiDutch ընկերությունից ստացել են աշխատանքի առաջարկ։
Սիրով հրավիրում ենք լուսաբանելու միջոցառումը:
Երևանից Վանաձոր ուղևորափոխադրման անհրաժեշտության դեպքում խնդրում ենք տեղեկացնել մինչև ապրիլի 13-ը՝ ժամը 15:00-ն՝ հետադարձ նամակով կամ զանգահարելով 011219797 հեռախոսահամարով։