Ասուլիս՝ նվիրված STARMUS VI միջազգային փառատոնի անցկացմանը Հայաստանում
06-05-2022 12:00:00 | Հայաստան | Ասուլիս
STARMUS VI միջազգային փառատոնին նվիրված մամուլի ասուլիսի ժամանակ համահիմնադիր Գարիկ Իսրայելյանը կհայտարարի փառատոնի շրջանակներում Հայաստան այցելող հեղինակավոր հյուրերի անունները։
Ս․թ․ մայիսի 6-ին՝ ժամը 12։00-ին, Ալեքսանդր հյուրանոցի Դվին սրահում (ք․ Երևան, Աբովյան փ․, 3/4 շենք) տեղի կունենա մամուլի ասուլիս՝ նվիրված STARMUS VI միջազգային փառատոնի անցկացմանը Հայաստանում։
Միջոցառման խոսնակներն են՝
Վահրամ Դումանյան - ՀՀ կրթության, գիտության, մշակույթի և սպորտի նախարար,
Ռոբերտ Խաչատրյան - ՀՀ բարձր տեխնոլոգիական արդյունաբերության նախարար,
Ասուլիսը Հայաստանում սեպտեմբերին անցկացվելիք STARMUS VI միջազգային փառատոնին ուղղված և տեղեկատվական արշավի մեկնարկն ազդարարող առաջին միջոցառումն է։
Ասուլիսի ընթացքում միջազգային փառատոնի համահիմնադիր Գարիկ Իսրայելյանը կներկայացնի աշխարհահռչակ հյուրերի անուններն ու փառատոնի ընթացքի վերաբերյալ մանրամասներ։ Փառատոնն ունի տեխնոլոգիական ուղղվածություն և միավորում է գիտությունը, կրթությունը, արվեստն ու տեխնոլոգիաները և ներկայացվելու է ամենատարբեր ձևաչափերով:
STARMUS VI Փառատոնը Հայաստանում կազմակերպվում է ՀՀ նախագահի բարձր հովանու ներքո՝ ՀՀ կառավարության հետ համագործակցությամբ՝ ի դեմս ՀՀ կրթության, գիտության, մշակույթի և սպորտի և ՀՀ բարձր տեխնոլոգիական արդյունաբերության նախարարությունների։
Հիշեցնենք, որ STARMUS VI միջազգային փառատոնը նվիրված է Մարսի վրա առաջին վայրէջքի 50-ամյակին։ Այն Հայաստանում պետք է անցկացվեր 2021 թվականին, սակայն հետաձգվել էր համավարակի պատճառով։
ՀԱՅԵՐԵՆ
Русский
English
Դաս. հայերեն
French
