Մայիսի 27-ին, ժամը 20:30-ի դրությամբ, ՀՀ ԱՆ քրեակատարողական հիմնարկներից ազատ են արձակվել թվով 117 դատապարտյալ
27-05-2011 21:56:37 | Հայաստան | Հասարակություն
Հայաստանի Հանրապետության արդարադատության նախարարության քրեակատարողական ծառայությունում մայիսի 27-ից սկսվել է ՀՀ անկախության հռչակման 20-րդ տարեդարձի կապակցությամբ հայտարարված համաներմամբ դատապարտյալներին ազատ արձակելու գործընթացը:
Ինչպես «ՆՏ»-ին հայտնեց Քրեակատարողական վարչության հասարակայնության հետ կապերի բաժանմունքի պետ Արսեն Բաբայանը, մայիսի 27-ին, ժամը 20:30-ի դրությամբ, ՀՀ ԱՆ քրեակատարողական հիմնարկներից ազատ են արձակվել թվով 117 դատապարտյալ:
Համաներմամբ ազատ արձակված դատապարտյալների քանակը ներկայացվում է ըստ քրեակատարողական հիմնարկների.
«Նուբարաշեն» - 27
«Էրեբունի» - 5
«Վարդաշեն» - 23
«Դատապարտյալների հիվանդանոց» - 14
«Երեւան Կենտրոն» - 0
«Արթիկ» - 6
«Վանաձոր» - 5
«Սեւան» - 15
«Հրազդան» - 0
«Աբովյան» - 1
«Գորիս» -1 1
«Կոշ»- 10
Համաներմամբ դատապարտյալների ազատ արձակման գործընթացը շարունակվում է:
Քրեակատարողական վարչության հասարակայնության հետ կապերի բաժանմունքը պարբերաբար տեղեկություններ կտրամադրի հանրությանը` ազատ արձակված դատապարտյալների քանակի վերաբերյալ: