«Արմենիա» Միջազգային Օդանավակայաններ» ՓԲԸ-ն ցավում է ուղեւորներին «Արմավիա» ավիաընկերության կողմից պատճառված անհարմարությունների համար
17-03-2011 11:31:39 | Հայաստան | Մամլո հաղորդագրություն
Հայտնում ենք, որ «Արմենիա» Միջազգային Օդանավակայաններ» ՓԲԸ կողմից օդանավերի սպասարկման ներկայիս գները սահմանվել են 2005թ.` հաշվի առնելով օդանավակայանի զարգացման Մաստեր պլանը եւ առ այսօր չեն փոփոխվել:
«Արմենիա» Միջազգային Օդանավակայաններ» ՓԲԸ անհանգստացած է «Արմավիա» ավիաընկերության կողմից երեք ամիս կուտակած պարտքի գումարի աճի կապակցությամբ: Անհանգստացնում է նաեւ այն հանգամանքը, որ ավիաընկերությունը մշտապես խախտում է պարտքի մարման իր իսկ ներկայացրած ժամանակացույցը:
Ինչ վերաբերում է ավիավառելիքի սակագներին, նշենք, որ «Արմենիա» Միջազգային Օդանավակայաններ» ՓԲԸ-ն ավիավառելիքը ձեռք է բերում «Արմավիա» ավիաընկերության բաժնետիրոջը պատկանող Միկա Լիմիթեդ ընկերությունից եւ վաճառքի գին է սահմանում համաձայն ՀՀ Տնտեսական մրցակցության պաշտպանության հանձնաժողովի սահմանած բանաձեւի: Ընդ որում` ավիավառելիքի դիմաց վճարումը «Արմենիա» Միջազգային Օդանավակայաններ» ՓԲԸ-ն կատարում է ավիավառելիքը ստանալու պահին, նույն օրը, առանց ուշացումների:
«Արմենիա» Միջազգային Օդանավակայաններ» ՓԲԸ-ն ցավում է ուղեւորներին ավիաընկերության կողմից պատճառված անհարմարությունների համար եւ հուսով է, որ ազգային ավիափոխադրողը շուտափույթ միջոցներ կձեռնարկի իրադրությունը շտկելու համար` ժամանակին կատարելով իր ստանձնած պարտավորությունները:
«Արմենիա» Միջազգային Օդանավակայաններ» ՓԲԸ հանրային կապերի բաժին
ՀԱՅԵՐԵՆ
Русский
English
Դաս. հայերեն
French
