Հայաստան-ԵՄ համագործակցության համատեքստում իրականացվում են բազմաթիվ բարեփոխումներ
17-05-2011 15:47:58 | Հայաստան | Քաղաքական
Մայիսի 17-ին ԱԱԽ քարտուղար Արթուր Բաղդասարյանն ընդունել է Միգրացիայի միջազգային կազմակերպության ներկայացուցիչներ Պիեր Ռոսի-Լոնգին եւ Ֆրանց Պրուտշին:
Անփոփելով Միգրացիայի միջազգային կազմակերպության կողմից վերջին տարիներին Հայաստանի Հանրապետությունում ծավալած գործունեությունը` հյուրերը ներկայացրին իրենց այցի նպատակը, այն է` միգրացիայի կառավարման կարիքների գնահատում, որն իրականացվելու է 2011թ. մայիսին` ՀՀ Արտաքին գործերի, Աշխատանքի եւ սոցիալական հարցերի նախարարությունների եւ Միգրացիոն պետական ծառայության հետ համագործակցությամբ իրականացվող Հայաստանում աշխատանքային միգրացիայի` ապացույցների վրա հիմնված կառավարման հզորացում ծրագրի շրջանակներում:
Համաձայն ԱԱԽ մամուլի գրասենյակի մամլո հաղորդագրության, Արթուր Բաղդասարյանը նշել է, որ Հայաստան-ԵՄ համագործակցության համատեքստում վերոնշյալ եւ հարակից ոլորտներում իրականացվում են բազմաթիվ բարեփոխումներ, մշակվում, հաստատվում եւ իրականացվում են տարբեր ռազմավարություններ` այդ թվում սահմանների կառավարման եւ սահմանային ենթակառուցվածքների արդիականացման ռազմավարությունը, ընթացքի մեջ են վիզաների դյուրինացման, ռեադմիսիոն համաձայնագրերի շուրջ բանակցությունները: Կարեւորելով առաքելության գործունեությունը` Արթուր Բաղդասարյանը պատրաստակամություն է հայտնել աջակցել նրանց` հույս հայտնելով, որ գնահատման առաքելությունը կարող է էապես նպաստել միգրացիոն բարեփոխումների գործընթացին: