21-06-2012 16:03:56 | Էկվադոր | Ի՞նչ է գրում մամուլը
Էկվադորի նախագահ Ռաֆաել Կորեան ասել է, թե իր երկրի կառավարությունը դեռեւս քննարկում է Լոնդոնում Էկվադորի դեսպանատան տարածք մուտք գործած Wikileaks կայքի հիմնադիր Ջուլիան Ասանժի քաղաքական ապաստանի դիմումը։
Ասանժին Շվեդիայում մեղադրում են սեռական բնույթի ոտնձգություն կատարելու մեջ։ Լոնդոնի դատարանը նրան Շվեդիա փոխադրելու համաձայնություն է տվել։
Ասանժի աջակիցները պնդում են, որ Շվեդիայում հարուցված գործը սոսկ պատրվակ է Wikileaks-ի հիմնադիրին ավելի ծանր մեղադրանքով Միացյալ Նահանգներ փոխադրելու համար։
«Ազատություն» ռադիոկայան