Ոստիկանության Երեւան քաղաքի վարչություն էր զանգահարել մի քաղաքացի եւ հայտնել, որ իր որդուն առեւանգել են
21-03-2011 15:12:32 | Հայաստան | Մամլո հաղորդագրություն
Մարտի 18-ին ոստիկանության Երեւան քաղաքի վարչություն էր զանգահարել մի քաղաքացի եւ հայտնել, որ իր որդուն առեւանգել են:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ նույն օրը Պտղնի գյուղի բնակիչ Ալբերտ Չիլինգարյանի տանը հայտնաբերեցին առեւանգվածին:
Նա հայտնեց, որ Ալբերտ Չիլինգարյանը ' ոմն Ռաֆայել Աղամյան մարտի 16-ին առեւանգել են իրեն, բռնությամբ տարել Չիլինգարյանի տուն, փակել գետնահարկում, պահել երեք օր, խոշտանգել եւ գումարային պահանջներ ներկայացրել:
Առեւանգվածին հայտնաբերելուց մոտ մեկ ժամ անց Չիլինգարյանի տան մոտ հայտնաբերվեց եւ բերման ենթարկվեց նախկինում չորս անգամ դատապարտված Ռաֆայել Աղամյանը: Նրա մոտ հայտնաբերվեց առեւանգվածի անձնագիրը:
Աղամյանին բերման ենթարկելուց րոպեներ անց հայտնաբերվեցեւ բռնվեց Ալբերտ Չիլինգարյանը: Նրա մեքենայի զննությամբ հայտնաբերվել է շերեփ, թափանցիկ լուծույթ պարունակող ներարկիչ: Չիլինգարյանը հայտնել է, որ շերեփը թմրանյութ պատրաստելու համար է, իսկ ներարկիչի պարունակությունը քացախաթթվի անհիդրիդ է:
Խուզարկություն կատարվեց նաեւ Չիլինգարյանի տանը: Ավտոտնակից հայտնաբերվել է քացախաթթվի անհիդրիդ պարունակող տարա, իսկ գետնահարկից` սղոցաձ' դաստակալով դանակ, որով վնասվածքներ են հասցվել առեւանգվածին:
Առեւանգման փաստով նախապատրաստված նյութերն ու առեւանգիչները հանձնվել են ոստիկանության Արաբկիրի բաժին:
Կատարվում է քննություն: