Մարտի 11-ին Ճապոնիայում տեղի ունեցած ավերիչ երկրաշարժի եւ ցունամիի պատճառով, լրատվական կայքերից նորություների եւ վիդեոների որոնումը մի շարք հանրաճանաչ ինտերնետային կայքերում հասել է ռեկորդային թվի: Ինչպես տեղեկացնում է Yahoo-ի ղեկավարությունը, երկրաշարժի մասին տեղեկատվություն ստանալու նպատակով, մեկ ժամվա ընթացքում իրենց կայքից օգտվել է 1 միլիոնից ավելի մարդ։ Վերոնշյալ արդյունքն ԱՄՆ-ի կայքերի ցուցանիշներում զիջում է միայն 2009թ. հունիսի 25-ին գրանցված Փոփ-Արքա Մայքլ Ջեքսոնի մահվան տեղեկատվությանը: Աննախադեպ աճել է նաեւ YouTube այցելողների թիվը: Օրինակ Associated Press-ի տեսահոլովակները մի քանի ժամվա ընթացքւմ դիտել է 1,2 միլոն մարդ:

---