Ավարտվեց Հայաստանի շախմատի տղամարդկանց առաջնության 5-րդ տուրը
17-01-2013 00:08:54 | Հայաստան | Սպորտ
Ավարտվեց Հայաստանի շախմատի տղամարդկանց առաջնության 5-րդ տուրը:
«Արմենպրես»-ի փոխանցմամբ` տուրի կենտրոնական խաղը կայացավ առաջին խաղատախտակի վրա, որտեղ մրցաշարային աղյուսակի առաջատար Տիգրան Լեւոնի Պետրոսյանը ոչ-ոքի խաղաց Զավեն Անդրիասյանի հետ:
Իրենց պարտիան ոչ-ոքի արդյունքով ավարտեց նաեւ Ավետիք Գրիգորյան- Հրանտ Մելքումյան զույգը:
Ռոբերտ Հովհաննիսյանն առավելության հասավ Տիգրան Քոթանջյանի, Հովիկ Հայրապետյանը` Ռոբերտ Աղասարյանի, իսկ Արման Փաշիկյանը` Սամվել Տեր-Սահակյանի նկատմամբ:
Մրցաշարային աղյուսակի առաջատարն է Հայաստանի գործող չեմպիոն Տիգրան Պետրոսյանը` 4,5 միավորով:
Հայաստանի տղամարդկանց 73-րդ առաջնությունում հունվարի 17-ին հայտարարված է ընդմիջում: Հանդիպումները կվերսկսվեն հունվարի 18-ին: