Բակտերիաները կօգնեն բիովառելիք ստանալ էլեկտրականությունից
30-01-2013 10:45:17 | ԱՄՆ | Գիտություն եւ տեխնոլոգիաներ
Գիտնականները մշակել են տեխնոլոգիա, որը հնարավորություն կտա «խաբել» երկաթը թթվայնեցնող բակտերիային:
Այժմ երկաթի փոխարեն բակտերիան «սնվում է էլեկտրոններով», որոնք օգտագործում է իր աճի համար: Սովորաբար բակտերիաների այդ տեսակը հանգեցնում է մետաղական խողովակների, նավերի, կամուրջների կորոզիային՝ ժանգոտմանը: Սակայն Մինեսոտայի նահանգի համալսարանի բիոտեխնոլոգիաների ինստիտուտի (University of Minnesota’s BioTechnology Institute) հետազոտողները օգտագործել են էլեկտրոդի էլեկտրոնները եւ ստիպել են բակտերիային «շնչել»: Նրանց համոզմամբ, այդ մեթոդը հնարավորություն կտա էլեկտրականությունը վերածել բիովառելիքի:
Գիտնականները նշում են, որ հնարավոր է, որ իրենց նոր մեթոդը նպաստի էլեկտրականության էներգիայի վերածմանը իսկական նյութի, որը հնարավոր կլինի պահել ցիստերներում: Սակայն դրա համար ժամանակ է անհրաժեշտ:
Հետազոտությունը տպագրվելու է mBio հունվարյան համարում:
ՀԱՅԵՐԵՆ
Русский
English
Դաս. հայերեն
French
