Սերժ Սարգսյանի վստահված անձինք. «մամուլում ապատեղեկատվություն է տարածվել»
18-02-2013 13:30:09 | Հայաստան | Քաղաքական
«Նոյյան Տապանի» թղթակիցը ժյամը 12:00-ին այցելեց Գորիսի 37/7 ընտրատեղամասում, որում, ըստ մամուլում տեղ գտած հրապարակումների, ընտրություններին հետեւում են Սերժ Սարգսյանի միանգամից երկու վստահված անձինք:
«ՆՏ»-ի հետ զրույցում ՀՀ Նախագահի թեկնածու Սերժ Սարգսյանի առաջին վստահված անձը՝ Սմբատ Մկրտչյանը նշեց, որ մամուլում «ապատեղեկատվություն է տարածվել» եւ ներկայացրեց, թե ինչպես է եղել իրականում: Ըստ նրա, ընտրատեղամասի բացման ժամանակ՝ 08: 05 –ին նա նույն ժամին գրացվել է ընդհանուր մատյանում, իսկ ժամը 08:33-ին իրեն փոխարինելու է եկել ՀՀ նախագահի թեկնածուի երկրորդ վստահված անձը՝ Հարություն Հովհաննիսյանը: Եվ այդ փոփոխության պահը համընկել է իրենց կողմից դեռ չպարզված լրատվամիջոցի ընտրատեղամաս մտնելու հետ:
Ս.Սարգսյանի երկրորդ վստահված անձը՝ Հ.Հովհաննիսյանը, ներկայացրեց հետեւյալ պարզաբանումը. «բացի այն, որ այս տեղամասում վստահված անձ եմ, ես նաեւ պետք է քվեարկեի այստեղ։ Ես մտա ընտրատեղամաս, կատարեցի իմ քաղաքացիական պարտքը, որից հետո գրանցվեցի ընդհանուր մատյանում ժամը 08:33-ին: Առաջին վստահված անձը՝ տեսնելով, որ ես գրանցվել եմ արդեն ընդհանուր մատյանում, դուրս է եկել ընտրատեղամասից: Ես դեպքի մասին իմացել եմ մոտ երկու ժամ անց, եւ տվյալ լրատվամիջոցից պահանջում եմ հերքում, քանզի փաստերը չեն համապատասխանում իրականությանը»:
Այս տեղամասի նախագահ Գարիկ Միրզաթունյանն իր հերթին հայտարարեց, որ իրենց համար անհայտ լրատվամիջոցի կողմից տարածած ինֆորմացիան չի համապատասխանում իրականությանը:
Տեղեկացնենք, որ այս ընտրատեղամասում ընտրատուփի հատակին ճեղքվացք չի հայտնաբերվել: Ժամը 12:55-ի սահմաններում Գորիսի 37/7 ընտրատեղամասում քվեարկությանն է մասնակցել 420 քաղաքացի: Այստեղ ընտրողների հիմնական ցուցակում ընդգրկված է է 1859 եւ լրացուցիչ ցուցակով 4 քաղաքացի:
ՀԱՅԵՐԵՆ
Русский
English
Դաս. հայերեն
French
