Կամփոփվեն «Պատմության եւ մշակույթի էջեր» ծրագրի
արդյունքները
15-02-2011 16:08:00 | Հայաստան | Քաղաքական
ԵՐԵՎԱՆ, 15 ՓԵՏՐՎԱՐԻ, ՆՈՅՅԱՆ ՏԱՊԱՆ: 2010թ. ապրիլ ամսին
մեկնարկած «Պատմության եւ մշակույթի էջեր» ծրագրի արդյունքներն
ամփոփելու եւ 2011թ.-ի խնդիրները ներկայացնելու նպատակով փետրվարի
16-ին ՀՀ պաշտպանության նախարար Սեյրան Օտանյանը կհանդիպի ծրագրի
մասնակից գիտության եւ մշակույթի գործիչների, զինված ուժերի հետ
համագործակցող հասարակական կազմակերպությունների, կրթամշակութային
հաստատությունների ներկայացուցիչների եւ ՀՀ ՊՆ-ին առընթեր
հասարակական խորհրդի անդամների հետ:
Ինչպես նշված է «ՆՏ»-ին տրամադրած հաղորդագրությունում,
«Պատմության եւ մշակույթի էջեր» ծրագրի շրջանակներում 2010թ.-ին
կատարվել է 153 այցելություն զինված ուժերի զորամասեր,
կազմակերպվել 241 դասախոսություն: Ծրագրին մասնակցել են գիտության
եւ մշակույթի ոլորտի 127 ներկայացուցիչներ, ներգրավված են եղել
գիտակրթական եւ մշակութային 14 հաստատություններ: