Հայաստանի երիտասարդ կանանց ասոցիացիան` ՀԵԿԱ-ն, հրավիրում է ձեզ մասնակցելու և լուսաբանելու ս.թ. հունիսի 20-ից 22-ը Ծաղկաձորում կայանալիք Կանանց առաջնորդության համաժողովը:
Կանանց առաջնորդության ակադեմիան ՀԵԿԱ-ի և Հայաստանում Խաղաղության Կորպուսի Գենդերային հավասարության եւ կանանց հզորացման նախաձեռնության (GenEq) համատեղ նախագիծն է, որը կազմակերպությունների մարզային ցանցերի շնորհիվ կզարգացնի տաղանդավոր կանանց կարողությունները ողջ Հայաստանում:
Լրագրողների համար տեղափոխումը կազմակերպվելու է.
- ս.թ. հունիսի 20-ին, ժ.15.30-ին, վերադարձը` նույն օրը, ժ. 20.30,
-Ս.թ. հունիսի 21-ին, ժ. 14.00-ին, վերադարձը` նույն օրը, ժ.18.00_ին:
Նախատեսված փոխադրամիջոցները Երևանից Ծաղկաձոր կմեկնեն Աբովյան 37 հասցեից (ՀԵԿԱ-ի գրասենյակի մոտից): Մեկնել ցանկացողներին խնդրվում է զանգահարել 094 58 07 87 հեռախոսահամարին և հաստատել մասնակցությունը:
ՀԵԿԱ Կանանց առաջնորդության ակադեմիայի մասին
Առաջնորդության ակադեմիայի ամսաթիվը` 2013թ. հունիսի 20-22
Աշխատաժողովի նպատակն է` նպատակասլաց 50 կանանց Հայաստանի ողջ տարածքից համախմբել Ծաղկաձորում՝ զարգացնելու համար նրանց անձնական և համայնքային կարողությունները:
«ՀԵԿԱ Կանանց Առաջնորդության Ակադեմիա 2013»-ի հիմնական ուղղություններն են.
Ուղղություն 2. Աշխատանքային մարզային խմբեր (հուլիս-հոկտեմբեր,2013թ.)
Համաժողովի ընթացքում կանայք կբաշխվեն աշխատանքային հինգ մարզային խմբերի՝ յուրաքանչյուրը կազմված հանրային ու մասնավոր ոլորտները ներկայացնող 10 մասնակցից: Յուրաքանչյուր խմբին կկցվի ՀԵԿԱ-ի ցանցից մեկ մենթոր: Համաժողովի ընթացքում, աշխատանքային խմբերում կանայք կստեղծեն հարաբերություններ միմյանց հետ, կընտրեն խմբի ղեկավար, ինչպես նաև իրենց մենթորի հետ կմշակեն հաջորդ երեք ամիսների աշխատանքային ծրագիրը խմբի համար: Ծրագրերի վերջնական տարբերակները կներկայացվեն հոկտեմբերի կեսին, հաջորդող միջոցառման՝ գործնական ճաշի ժամանակ:
Ուղղություն 3.Գործնական ճաշ ծրագրերի ներկայացման համար (հոկտեմբերի կես, 2013թ.)
Գործնական ճաշը տեղի կունենա Երևանում և կվերամիավորի բոլոր մասնակիցներին ու մենթորներին, ինչպես նաև տեղական և միջազգային գործընկեր կազմակերպություններին:
ՀԱՅԵՐԵՆ
Русский
English
Դաս. հայերեն
French
