2014-ի յունուար 19-ին կ՛ամբողջանայ Հրանդ Տինքի սպանութեան եoթներորդ տարելիցը: Այս առիթով յունուարի 18-ին «Անգարայի Մտքի Ազատութեան Կեդրոն» նախաձեռնութիւնը եւ «Արեւմտահայոց Ազգային Համագումար»ը կը կազմակերպեն ոգեկոչման ֆորում մը, նշելու համար մեծ մտաւորականին յիշատակը եւ անգամ մը եւս լուսարձակի տակ բերելու համար անոր կեանքն ու ժառանգութիւնը:
Հանրաճանաչ մտաւորականներ եւ մարդու իրաւունքներու գործիչներ մտքեր պիտի փոխանակեն Հրանդ Տինքի սպանութեան դատավարութեան ընթացքին եւ Թուրքիայի ժողովրդավարացման գործընթացին վերաբերեալ եւ համատեղ պիտի խորհին Հայոց ցեղասպանութեան հարիւրամեակին ընդառաջ եւ անոր առընչուող պատմական, իրաւական եւ բարոյական խնդիրներու լուծման հեռանկարներուն մասին:
Ոգեկոչման ֆորում - Alba Ankara Hotel - Անգարա - սկսեալ ժամը 12:00-էն - (աշխատանքային լեզուներ՝ թուրքերէն, հայերէն)
ՀԱՅԵՐԵՆ
Русский
English
Դաս. հայերեն
French
