Փետրվարի 7-ի երեկոյան Սոչիի «Ֆիշտ» մարզադաշտում հանդիսավոր արարողությամբ տրվեց 22-րդ Ձմեռային օլիմպիական խաղերի պաշտոնական մեկնարկը: Ռուսաստանում անցկացվող ձմեռային օլիմպիադային մասնակցում են 88 երկրների մարզիկներ: Փետրվարի 8-ին պայքարի մեջ կմտնեն դահուկորդները, սնոուբորդիստները, չմշկորդներն ու գեղասահորդները, կմեկնարկի նաև կանանց հոկեյի մրցաշարը: Բացման հանդիսավոր արարողությանը տասնյակ երկրների ղեկավարների հետ մասնակցել է նաև Հայաստանի նախագահ Սերժ Սարգսյանը: Հավելենք, որ Հայաստանը Սոչիի օլիմպիական խաղերում ներկայացնում են չորս մարզիկներ: