Լրագրող Անի Գեւորգյանի նկատմամբ որպես խափանման միջոց է
ընտրվել ստորագրություն չհեռանալու մասին
03-06-2010 16:10:00 | Հայաստան | Քաղաքական
ԵՐԵՎԱՆ, 3 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 2-ին Հայաստանի
Հատուկ քննչական ծառայության վարույթ է ընդունվել Երեւանի
Ազատության հրապարակում եւ Մ.Սարյանի արձանի հարակից տարածքում
տեղի ունեցած միջադեպերի կապակցությամբ ոստիկանությունում
հարուցված քրեական գործը:
Ըստ ՀՔԾ-ի մամլո հաղորդագրության, նախաքննությամբ ձեռք բերված
ապացույցների հիման վրա «Հայակական ժամանակ» օրաթերթի թղթակից Անի
Գեւորգյանին եւ ՀԱԿ-ի ակտիվիստ Սարգիս Գեւորգյանին մեղադրանք է
առաջադրվել ՀՀ քրեական օրենսգրքի 316-րդ հոդվածի 1-ի մասով եւ
որպես խափանման միջոց նրանց նկատմամբ ընտրվել է ստորագրություն
չհեռանալու մասին:
ՀԱԿ-ի մեկ այլ երիտասարդ ակտիվիստին` Դավիթ Քիրամիջյանին,
մեղադրանք է առաջադրվել 258-րդ հոդվածի 3-րդ մասի 1-ին կետով եւ
միջնորդություն ներկայացվել դատարան նրա նկատմամբ որպես խափանման
միջոց կալանավորումն ընտրելու մասին: