Ինտելեկտուալ խաղ-մրցույթ՝ ՀՀԿ Արմավիրի տարածքային ԵԿ նախաձեռնությամբ

18-10-2014 19:43:56 | Արմավիրի մարզ | Մամլո հաղորդագրություն

ՀՀԿ Արմավիրի տարածքային գրասենյակում հոկտեմբերի 18-ին կայացավ ՀՀԿ Արմավիրի տարածքային երիտասարդական կազմակերպության նախաձեռնած ինտելեկտուալ խաղ-մրցույթը: Խաղին մասնակցում էին ՀՀԿ Արմավիրի 4 շրջանային երիտասարդական կազմակերպությունների թիմերը` Արմավիրի, Բաղրամյանի, Էջմիածնի և Մեծամորի:

Խաղի հաղթող ճանաչվեց ՀՀԿ Էջմիածնի շրջանային երիտասարդական կազմակերպությունը: Երկրորդ և երրորդ հորիզոնականները զբաղեցրին համապատասխանաբար ՀՀԿ Արմավիրի և Մեծամորի երիտասարդական կազմակերպությունները:

Իր խոսքում ՀՀԿ Արմավիրի տարածքային երիտասարդական կազմակերպության ղեկավար Հովհաննես Հովհակյանը կարևորեց ինտելեկտուալ խաղերի դերը երիտասարդության շրջանում: Նա նշեց, որ պետք է ավելի հաճախակի կազմակերպվեն նման առաջնություններ, քանի որ խաղերը զարգացնում են երիտասարդներին, մեծացնում նրանց հետաքրքրությունը բոլոր բնագավառներում, ապահովում են կապը տարբեր մարզերի երիտասարդների միջև, տալիս փորձի և հմտությունների փոխանակման հնարավորություններ:

Խաղի ավարտից հետո հաղթած թիմերը պարգևատրվեցին պատվոգրերով և կիսվեցին տպավորություններով:

Հավելենք, որ մարզային փուլում հաղթած թիմը կմասնակցի Երևանում կայանալիք հանրապետական փուլին:

ՀՀԿ երիտասարդական կազմակերպություն

Նոյյան տապան - Մամլո հաղորդագրություն