Ռուսաստանը շարունակում է խոչընդոտել Ուկրաինայի սահմանին ԵԱՀԿ դիտարկման ընդլայնմանը
23-10-2014 12:07:45 | Ուկրաինա | Միջազգային
Ռուսաստանը շարունակում է խոչընդոտել ԵԱՀԿ-ի դիտորդների թվի ավելացմանը ռուս - ուկրաինական սահմանի անցակետերում, հայտարարել է ԵԱՀԿ-ում Միացյալ Նահանգների ներկայացուցչությունը։
Չնայած ԵԱՀԿ-ի անդամ երկրների բազմաթիվ խնդրանքներին, Ռուսաստանը շարունակում է խոչընդոտել սահմանային անցակետերի դիտարկման ընդլայնմանը, իր հաղորդագրությունում նշում է ԱՄՆ-ի ներկայացուցչությունը՝ հավելելով, որ բացառություն են կազմում երկու անցակետերը, որտեղ այժմ աշխատում են 16 դիտորդներ և հսկողություն իրականացնում հարյուրավոր կիլոմետրեր ձգվող սահմանի ընդամենը մեկ կիլոմետրանոց հատվածում։