Հայոց ցեղասպանության հիշատակի օր Մոնրեալի Կոնկորդիա
համալսարանում
31-03-2010 14:34:00 | Կանադա | Հասարակություն
ՄՈՆՐԵԱԼ: Մարտի 23-ին Մոնրեալի Կոնկորդիա համալսարանում,
Քվեբեկի միավորված հայ երիտասարդների կազմակերպությունը նշել է
Հայոց ցեղասպանության 95-ամյա տարելիցը` «Ցեղասպանության ոգեկոչման
օր» խորագրով: Միջոցառումը նվիրվել է Հայոց, Հոլոքոստի, Ռուանդայի,
Դարֆուրի ցեղասպանության զոհերի հիշատակին:
Քվեբեկի միավորված հայ երիտասարդների կազմակերպությունը
համագործակցել է տեղի մի քանի կազմակերպությունների հետ, որոնք էլ
աջակցել են այդ միջոցառմանը:
Քվեբեկի միավորված հայ երիտասարդների կազմակերպությունը
շնորհակալություն է հայտնել հովանավորներին, որոնք օգնել են
կազմակերպել այդպիսի ոգեշնչող եւ ուսուցողական միջոցառում:
Միջոցառմանը ներկա էին նաեւ Հոլոքոստից եւ Հայոց ու Ռուանդայի
ցեղասպանություններից փրկվածները: Նրանք մասնակցել են հասարակական
քննարկմանը եւ հանդիսատեսի հետ կիսել են իրենց դառը
հիշողությունները:
Երեք հուզիչ պատմություններից հետո, Իսրայելի բաց համալսարանի
ՑեղասպանությաՆ եւ ժամանակակից Հուդաիզմի ոլորտի պրոֆեսոր Յարի
Աուրոն կարդացել է «Հայեր, հրեաներ եւ եբրայեցիներ - հիշատակում եւ
մերժում» խորագրով դասախոսություն: Պրոֆեսոր Աուրոն կարեւորել է
ԱՄՆ-Ի եւ Իսրայելի կողմից 20-րդ դարի առաջին` Հայոց ցեղասպանության
ճանաչումը: Ինչպես տեղեկացնում է www.armenkaro.org կայքէջը,
մԻջոցառումը ավարտվել է կարճ հարց ու պատասխանով: