«Մեսրոպատառ .հայ դոմենը հաստատվել է».թեմայով ասուլիսի տեսագրությունը

25-11-2014 12:00:00 | Հայաստան | Մամուլի սրահ

Նոյեմբերի 25-ին ժամը 12.00-ին «Նոյյան Տապան» լրատվական գործակալության մամուլի սրահում տեղի ունեցավ սուլիս «Ինտերնետ հանրություն» Հասարակական կազմակերպության անդամների մասնակցությամբ։

Թեման՝ «ICANN միջազգային կազմակերպությունը հաստատել է մեսրոպատառ .հայ դոմենը, որը կարող է գործել արդեն դեկտեմբերից»։

Բանախոսներն են.

Գրիգորի Սաղյանը - «Ինտերնետ հանրություն» Հասարակական կազմակերպության նախագահի տեղակալ

Լիաննա Գալստյանը - «Ինտերնետ հանրություն» ՀԿ վարչության անդամ

Սիրանուշ Վարդանյանը- ICANN-ի Ինտերնետ օգտագործողների Ասիա և խաղաղօվկիանոսյան տարածաշրջանի նախագահ

Սամվել Մարտիրոսյանը - Մեդիա - փորձագետ

Թեմայի վերաբերյալ,

«Ինտերնետ Հանրություն» ՀԿ-ն հայտնում է, որ այսօր` ս.թ. նոյեմբերի 20-ին, ICANN կազմակերպությունը որոշում է կայացրել գրանցել «.հայ» ինտերնետային նոր դոմենային անունը:

«.հայ» անվան գրանցումից հետո սկսվում է տեխնիկական համաձայնեցումների մի գործընթաց, որի տևողությունը 3-6 ամիս է գնահատվում:

«Ինտերնետ Հանրություն» ՀԿ-ն լիովին գիտակցում է այս իրադարձության նշանակությունը աշխարհի հայության համար և կոչ անում բոլորին տարածել իրենց մասին տեղեկատվությունը Ինտերնետում նաև մեսրոպատառ «.հայ» դոմենի օգտագործմամբ:

Չթերագնահատելով լատինատառ դոմենային անվանումների միջազգային հասանելիությունը` միևնույն ժամանակ վստահ ենք, որ «.հայ» դոմենի օգտագործումը մեծագույնս կնպաստի հայոց լեզվի օգտագործմանը ինչպես առօրյայում, այնպես էլ Սփյուռքի և Հայաստանի կապերի ընդլայնման հարցում` հիմնվելով ցանկացած ժողովրդի համար ամենամնայուն արժեքներից մեկի՝ ազգային լեզվի վրա:

«.հայ» դոմենային անվան օգտագործումը կխթանի հայկական ստեղնաշարի օգտագործումը Սփյուռքում, կխթանի հայկական տառատեսակների լայն ներդրումը ժամանակակից բջջային սարքերում, թույլ կտա զարգացնել հայերեն լեզվի իմացության մակարդակը Ինտերնետում:

«Ինտերնետ Հանրություն» ՀԿ-ն .am դոմենային անունը գրանցելու իրավունքը ստացել է հեռավոր 1994 թ–ին: Այդ ժամանակ ինտերնետը իրենից ներկայացնում էր իրենց գործով կլանված ինտերնետ ստեղծողների մի համայնք: Կարելի է հպարտանալ, որ ինտերնետի ստեղծողներից մեկը` Ջոն Պոստելը, անձամբ է տրամադրել .am անունը հայկական ինտերնետը ներկայացնող «Ինտերնետ Հանրություն» ՀԿ-ին: Այսօր ժամանակն է եկել գնահատելով արվածը` նայել առաջ և լայնացնել ինտերնետում հայկական հատվածի ներգրավվածությունը, անցնել նոր փուլի, երբ մեսրոպատառ դոմենային անունները կդառնան մեր առօրյայի անբաժանելի մաս:

Շնորհակալություն ենք հայտնում բոլոր կամավորներին, ովքեր իրենց աշխատանքով և աջակցությամբ մոտեցրել են «.հայ» դոմենային անվան ստեղծումը:

Ասուլիսին ներկա են եղել հետեւյալ լրատվամիջոցները

1,ԱՐTV

2.Ա1+

3.ArmeniaTV

4.ShantTV

5.ArmnewsTV

6.KentronTV

7,NT.am

8,Aravot.am

9.News.am

10Photolur