Գյումրիի քաղաքապետը եւս լքեց «Բարգավաճ Հայաստան» կուսակցությունը
05-03-2015 17:44:49 | Հայաստան | Քաղաքական
Գյումրիի քաղաքապետ Սամվել Բալասանյանը եւս լքել է «Բարգավաճ Հայաստան» կուսակցությունը։
Բալասանյանը հայտարարություն է տարածել, որում ասվում է.
«Հաշվի առնելով «Բարգավաճ Հայաստան» կուսակցության ղեկավար Գագիկ Ծառուկյանի՝ քաղաքականությունից դուրս գալու մասին որոշումը, այլեւս ոչ մի պարտավորվածություն չեմ տեսնում «Բարգավաճ Հայաստան» կուսակցության նկատմամբ: Միաժամանակ լինելով ապաքաղաքականացված կառույցի ղեկավար՝ նպատակահարմար չեմ գտնում իմ հետագա անդամակցությունը «Բարգավաճ Հայաստան» կուսակցությանը:
Ուզում եմ մատնանշել հետագա համագործակցության պատրաստակամությունը «Բարգավաճ Հայաստան» կուսակցության եւ բոլոր քաղաքական ուժերի հետ՝ քաղաքում կուտակված բազմաթիվ խնդիրների լուծման եւ Գյումրիին նոր կարգավիճակ տալու համար՝ ի շահ Գյումրիի եւ գյումրեցիների»:
Ի դեպ հիշեցնենք, որ ժամանակին Սամվել Բալասանյանը գրեթե նույն իրավիճակում լքել էր ՕԵԿ-ը:
ՀԱՅԵՐԵՆ
Русский
English
Դաս. հայերեն
French
