Մոսկվայում սամբոյի աշխարհի գավաթի խաղարկության մրցանակաբաշխության ժամանակ Հայաստանի Հանրապետության հիմնի ժամանակ կքանստած ադրբեջանցի մարզիկը ներողություն է խնդրել իր պահվածքի համար, «Արմենպրեսի» հետ զրույցում ասել է Հայաստանի սամբոյի ֆեդերացիայի նախագահ Լևոն Հայրապետյանը:

Հիշեցում՝ Մոսկվայում ավարտված սամբոյի աշխարհի գավաթի խաղարկության մրցաշարում հայ մարզիկները նվաճել են մեկ ոսկե, երեք բրոնզե մեդալ: Մրցաշարի վերջին օրը բրոնզե մեդալ է նվաճել 62 կգ քաշային Սամվել Բադալյանը: Վահե Օթարյանը և Արեն Անտոնյանը նույնպես հասել են նման հաջողության, համապատասխանաբար, 52 և 57 կգ քաշային կարգերում գրավելով երրորդ տեղը, իսկ ստեփանակերտցի Աշոտ Դանիելյանը 90 կգ քաշային կարգում դարձել է մրցաշարի հաղթող: