Կահիրեյում տեղի ունեցավ Հրանտ Քեշիշյանի անհատական ցուցահանդեսը

18-12-2010 12:28:19   | Եգիպտոս  |  Մշակույթ
Գահիրէ (Արմաւենի) - Արուեստագէտ-նկարիչ Հրանդ Քէշիշեան գոհունակութիւն կը յայտնէ Դեկտեմբեր 4-էն 9 տեղի ունեցած իր անհատական ցուցահանդէսէն: «Ինչ որ կ'ակընկալէի, ստացայ», կ'ըսէ Քէշիշեան, «արուեստասէր հասարակութիւնը աւելի մօտէն ծանօթացաւ իմ ստեղծագործութիւններուս:» Քէշիշեան կ'ըսէ, որ ինք 30-40 հոգինոց խումբեր կը կազմէր եւ իրենց կու տար մէկ առ մէկ բացատրութիւն նկարներուն` անոնց փիլիսոփայութիւնը, խորքը, իմաստը, ,ինչ որ շատ կարեւոր կը նկատեմ, արուեստագէտի մը աշխարհը համապարփակ կերպով հասկնալու համարե: ,Յետադարձե վերնագրուած ցուցադրութեան ներկայացուած են նկարիչի 63 գործերը` ընդգրկելով անոր ստեղծագործական կեանքի 7 շրջանները: Գահիրէի Պետական Օփերայի գլխաւոր ցուցասրահին մէջ, Դեկտ. 4ին պաշտօնական բացման ժապաւէնը կտրեց եգիպտացի լրագրող Էզզաթ Ալ Սաատանի: Բացման ներկայ էին տեղական կիսապետական Ահրամ օրաթերթի լրգրողներ, ,Նիլ Սաքաֆիյաե եւ երկրորդ կայանի եգիպտական պետական հեռուստաընկերութիւնները, եգիպտացի նկարիչներէն Մոհամէտ Ապլա, երգիծանկարիչ Կոմաա Ֆարահաթ, եգիպտահայ արուեստագէտներէն Վահէ Վարժապետեան, Ալին Ճիզմէճեան, ՀԲԸՄ Գահիրէի մասնաճիւղի Ատենապետ Բժ. Վիգէն Ճիզմէճեան: Ցուցահանդէսը կազմակերպուած էր ՀԲԸՄ Գահիրէի հովանաւորութեամբ: Քէշիշեան ցուցահանդէսէն աւելի կարեւոր կը նկատէ ամբողջական գրացուցակին (catalogue) պատրաստութիւնը` անգլերէն եւ արաբերէն լեզուներով, ,որմէ ցուցահանդէսի ընթացքին 500 օրինակ բաժնուած է,ե կը տեղեկացնէ Քէշիշեան: «Նման երեւոյթ երբէք չէ եղած եգիպտահայ որեւէ նկարիչի կենդանութեան օրոք, միայն երգիծանկարիչ Սարուխանին գրացուցակ պատրաստած ենք, այն ալ իր մահէն ետք, իսկ եգիպտացի արուեստագէտներու մէջ ալ հազուադէպ կը կգտնուի պատրաստութիւնը նման գրացուցակի մը, ուր ներկայացուած ըլլան ցուցահանդէսի բոլոր գործերը մանրամասն բացատրութիւններով»: «Ցուցահանդէսի տեւողութեան բոլոր օրերուն ալ այցելուներու թիւը շատ եղած էե, կ'ըսէ Հրանդ Քէշիշեան, սակայն ,ցաւօք` վերջին օրը Պետական Օփերայի մէջ կայացաւ շարժապատկերի Գահիրէի Միջազգային տարեկան փառատօնի բացումը, ինչ որ բացասական ազդեցութիւն ունեցաւ ցուցահանդէսի ներկայութեան վրայ»: Վաթսուներեք-ամեայ արուեստագէտ Քէշիշեան անցեալ տարի Արմաւենիեի հետ ունեցած հարցազրոյցներէն միոյն մէջ ըսած էր.- «ունեցած եմ նկարչութեան երեք ուսուցիչ, բայց իմ դաստիարակս նկարչութեան ասպարէզին մէջ, խորհրդատուս, քաջալերող եւ իրական ուսուցիչս կը համարեմ Բիւզանդ Կոճամանեան, որն ինձ սորվեցուցած է արտայայտչապաշտութիւն expressionism, որուն մեծագոյն վարպետն էր ինքը` Կոճամանեան»: Թղթակց Նեկտար Պալեան Յարութիւնեան խմբագիր` Նորա Քէօհնէլեան Գոլոյեան
 

Նոյյան տապան   -   Մշակույթ
Լուրեր Հայաստանից եւ Սփյուռքից

Կարդացել են 501 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար