Լրատվամիջոցը նշում է, որ կրտսեր սերժանտներ Մուսա Մուսաևի և Թուրալ Յոլչուևի մարմինները հայտնաբերվել են այսօր Ղազախի շրջանում` շփման գծի հակառակ կողմում, ականապատված տարածքում։
Ըստ APA-ի, զինծառայողների մարմինները շփման գծից դուրս են բերվել Կարմիր խաչի միջնորդությամբ ու հանձնվել Ադրբեջանին։
Հիշեցնենք՝ ադրբեջանական կողմը հունիսի 23-ին հայտարարեց, որ երկու զինծառայողներ են կորել, նշելով, որ նրանք ենթադրաբար մոլորվել են տեղանքում և հայտնվել հայկական կողմում։
Հայաստանի պաշտպանության նախարարությունը չբացառեց ադրբեջանական զինծառայողների մոլորվելու փաստը: Սակայն Հայաստանի պաշտպանության նախարարի մամուլի խոսնակ Արծրուն Հովհաննիսյանն ասաց, որ չնայած հակառակ կողմի պնդումներին՝ սահմանային ներթափանցում չի եղել։
«Ազատությունՙ ՌԿ