Ռուսաստանի արտգործնախարարի կարծիքով հայաստանյան ցույցերը փորձում են քաղաքականացնել
02-07-2015 16:05:14 | Հայաստան | Քաղաքական
«Հայաստանում բողոքի ակցիաները, որոնք սկսվեցին հոսանքի սակագինը բարձրացնելու որոշումից հետո, բացառապես տնտեսական բնույթ են կրում, այնինչ դրանք փորձում են քաղաքականացնել»,- այսօր BRICS երիտասարդական ֆորումի մասնակիցների հետ հանդիպման ժամանակ հայտարարել է Ռուսաստանի արտգործնախարար Սերգեյ Լավրովը։
Ըստ նրա` թեև հայաստանյան ներկայիս իրադարձությունների հիմքը բացառապես տնտեսական է, բայց կարծես ինչ-որ մեկին ձեռնտու է այն զարգացնել ու վերափոխել քաղաքական պայքարի. «Դուք գիտեք՝ ինչպես են սկսվել գունավոր հեղափոխությունները. Մայդանը՝ Ուկրաինայում, հայաստանյան ներկայիս իրադարձությունները... գայթակղություն կա դրանով երկրում հակակառավարական տրամադրություններն ուժեղացնել»,- ռուսաստանյան «Նովոստի» լրատվական գործակալության փոխանցմամբ՝ ասել է Ս. Լավրովը։