Սիրով շնորհավորում եմ մարզական լրագրողներին նրանց մասնագիտական տոնի` մարզական լրագրողների միջազգային օրվա կապակցությամբ:

 

 

 

Բոլորին մաղթում եմ աշխատանքային եռանդ, մասնագիտական ձեռքբերումներ, ակտիվ և բեղմնավոր աշխատանքային գործունեություն և, իհարկե, անձնական երջանկություն ու հաջողություններ:

 

 

 

Ծանոթ եմ մեր երկրում աշխատող մարզական լրագրողներից շատերին և ուրախությամբ պետք է ասեմ, որ նրանցից շատերն իրոք մեծ սիրով և նվիրվածությամբ են կատարում իրենց գործը` ի նպաստ ֆիզիկական կուլտուրայի և սպորտի զարգացման, այդ ոլորտում նորարարական ուղղությունների ներդրման, օրենսդրական դաշտի կատարելագործման: Օգտվելով առիթից՝ ցանկանում եմ շնորհակալություն հայտնել ինչպես ոլորտը վաղուց լուսաբանող` ավագ սերնդի մարզական լրագրողներին, այնպես էլ այդ բնագավառում նոր քայլեր սկսող երիտասարդ մասնագետներին, մարզաշխարհում տեղի ունեցող կարևորագույն մրցաշարերը, հետաքրքրաշարժ իրադարձությունները լուսաբանելու և հասարակությանն օպերատիվ տեղեկատվությամբ ապահովելու համար:

 

 

 

Մեկ անգամ ևս ի սրտե շնորհավորում եմ բոլոր մարզական լրագրողներին և հույս հայտնում, որ նրանց անաչառ լուսաբանման և պատասխանատու վերաբերմունքի շնորհիվ մարզասերները և հասարակության բոլոր անդամները տեղեկացված կլինեն մարզաշխարհում կատարվող արժանահիշատակ իրադարձությունների մասին:

 

 

 

 

 

 

 

 

 

ՀՀ սպորտի և երիտասարդության հարցերի նախարարության

 

տեղեկատվության և հասարակայնության հետ կապերի

 

բաժնի պետ Անուշ Չիթչյան

 

հեռ. (+37410) 54 69 33 (+37498) 70 76 24

 

Նոյյան տապան  -   Սպորտ