Նախագահ Բակո Սահակյանը ընդունել է <<Տնջրե>> պատանի երաժիշտների 4-րդ միջազգային փառատոնի մասնակիցներին
04-07-2015 15:30:58 | | Մամլո հաղորդագրություն
Արցախի Հանրապետության Նախագահ Բակո Սահակյանը հուլիսի 4-ին ընդունել է <<Տնջրե>> պատանի երաժիշտների 4-րդ միջազգային փառատոնի մի խումբ մասնակիցների:
Երկրի ղեկավարը գոհունակությամբ նշել է, որ փառատոնն արդեն իսկ դարձել է ավանդական եւ իր կարեւոր ներդրումն ունի Արցախում մշակույթի, մասնավորապես, դասական երաժշտության զարգացման եւ այս ոլորտում տարբեր երկրների հետ կապերի խորացման գործում:
Հանդիպմանը մասնակցում էին Արցախի Հանրապետության մշակույթի եւ երիտասարդության հարցերի նախարար Նարինե Աղաբալյանը, պաշտոնատար այլ անձինք: