Էրեբունի վարչական շրջանի աշխատակազմի պատվիրակությունն այցելել էր ԼՂՀ
24-07-2015 18:29:57 | | Հասարակություն
Երևանի և Ստեփանակերտի միջև բարեկամության համաձայնագրի շրջանակում քաղաքապետ Տարոն Մարգարյանի նախաձեռնությամբ շարունակվում են մայրաքաղաքի վարչական շրջանների և ԼՂՀ շրջանների միջև համագործակցության ծրագրերը:
Հերթական պաշտոնական այցով Արցախում է գտնվել Էրեբունի վարչական շրջանի աշխատակազմի պատվիրակությունը: Այցի ընթացքում երևանյան պատվիրակության անդամները հանդիպել են Ստեփանակերտի քաղաքապետարանի կրթության և սպորտի, մշակույթի, երիտասարդության հարցերի և զբոսաշրջության ոլորտի մասնագետների հետ և քննարկել առաջիկա ծրագրերը: Այնուհետ պատվիրակությունն այցելել է Ստեփանակերտի հուշահամալիր: Հաջորդ հանդիպումը տեղի է ունեցել Ստեփանակերտի սպորտդպրոցում, որին ցուցաբերվել է տեխնիկական աջակցություն: Էրեբունի վարչական շրջանի պատվիրակությանն ընդունել է նաև Ստեփանակերտի քաղաքապետ Սուրիկ Գրիգորյանը: Առաջիկա ամիսներին փոխայցելությունները կշարունակվեն: