Կենդանաբույժների համաշխարհային ծառայության ներկայացուցիչը այցելել է «Յունիգրաֆ իքս»
26-07-2015 14:04:26 | Հայաստան | Մամլո հաղորդագրություն
Հուլիսի 24-ին թափառող կենդանիների խնդիրներով զբաղվող «Յունիգրաֆ իքս» ընկերությունը հյուրընկալել էր Կենդանաբույժների համաշխարհային ծառայության միջազգային ծրագրերի ղեկավար Դագմար Մայերին։ Վերջինս Հայաստանում է «Փրո Փոուզ» բարեգործականի նախաձեռնությամբ։
Դագմար Մայերը շրջել է «Յունիգրաֆ իքսի» կլինիկայի տարածքում, զրուցել ընկերության անասնաբուժների, վիրաբույժների, աշխատակիցների հետ, ծանոթացել «Յունիգրաֆ իքսի» աշխատանքի մեթոդներին, ներկաների հետ խոսել Հայաստանում թափառող կենդանիների ոլորտում առկա խնդիրների ու դրանց լուծման հնարավոր տարբերակների մասին։ Եվրոպացի մասնագետը պատասխանել է «Յունիգրաֆ իքսի» աշխատակիցների հարցերին, տվել մասնագիտական խորհուրդներ։
Նշում. սա Կենդանաբույժների համաշխարհային ծառայության ներկայացուցիչների երկրորդ այցելությունն է «Յունիգրաֆ իքսի» կլինիկա։ 2013թ. մայիսին միջազգային այս կազմակերպության մասնագետներից բաղկացած խումբը կենդանիների ստերջացման դասեր էր անցկացրեց «Յունիգրաֆ իքսի» աշխատակիցների համար։
«Յունիգրաֆ իքս» ընկերությունը բաց է համագործակցության համար և պատրաստ է գործակցել թափառող կենդանիների խնդրով մտահոգ ցանկացած կազմակերպության հետ։
ՀԱՅԵՐԵՆ
Русский
English
Դաս. հայերեն
French
