27-07-2015 14:52:11 | Հայաստան | Մամլո հաղորդագրություն
Երևանի քաղաքապետարանի «Երևանյան ամառ 2015» եռամսյա միջոցառումների ծրագրի շրջանակում շարունակվում է «Առողջ սերունդ` պաշտպանված հայրենիք» համաքաղաքային բակային ավանդական փառատոնը` 7 մարզաձևերով:
Հուլիսի 27-ին ավարտվել է հեծանվավազքի «Անիվ» մրցաշարը: Թիմային հաշվարկով երրորդ տեղը զբաղեցրել է Շենգավիթ վարչական շրջանը, երկրորդն են ճանաչվել նուբարաշենցի հեծանվորդները, իսկ մրցաշարի հաղթողի կոչումը նվաճել է Աջափնյակ վարչական շրջանի թիմը: Մրցաշարին մասնակցել են 2004, 2005 թվականներին ծնված երեխաները: Պատվո եռյակում տեղ զբաղեցրած բոլոր թիմերը պարգևատրվել են մեդալներով և պատվոգրերով: Փառատոնում ընդհանուր հաշվարկով հաղթած վարչական շրջանի թիմը կպարգևատրվի Երևանի քաղաքապետի փոխանցիկ գավաթով: