Ոստիկանությունը թույլ չի տալիս ցուցարարներին նստացույց անել Հանրապետության հրապարակի կենտրոնական հատվածում (տեսանյութ)
27-07-2015 19:37:24 | Հայաստան | Հասարակություն
Էլեկտրաէներգիայի թանկացման դեմ պայքարող ցուցարարները «Ոտքի Հայաստան» շարժման նախաձեռնությամբ այս անգամ հավաքվել են Հանրապետության հրապարակում, որտեղ պատրաստվում են անցկացնել 3-օրյա նստացույց: Այս կերպ ցուցարարները շարունակելու են պատկան մարմիններից պահանջել չեղարկել էլեկտրաէներգիայի թանկացման մասին կայացված որոշումը: Երևանի փոխոստիկանապետ Վալերի Օսիպյանը ցուցարարներին առաջարկեց ցույցն իրականացնել փողոցի ոչ թե կենտրոնական, այլ զուգահեռ հատվածում, որտեղ ցուցարարները չեն խանգարի երթևեկությանը: «Ոտքի Հայաստան» շարժման անդամ Անդրիաս Ղուկասյանը լրագրողների հետ զրույցում նշեց, որ Երևանի փոխոստիկանապետի առաջարկը կամ պահանջն իրավաչափ չէ:
Ըստ նրա` իրենք ունեն իրավունք նստացույցն անցկացնել հենց հրապարակի կենտրոնական հատվածում:
Վ. Օսիպայնն էլ իր հերթին նշեց, որ նստացույցի մասին չի եղել իրազեկում և ցուցարարները չունեն համապատասխան թույլտվություն, հետևաբար անհրաժեշտության դեպքում ոստիկանության աշխատակիցները կդիմեն հստակ գործողությունների:
ՀԱՅԵՐԵՆ
Русский
English
Դաս. հայերեն
French
