Ուկրաինայում Գերագույն Ռադայի շենքի առջև տեղի ունեցած անկարգությունների ընթացքում վիրավորվել են շուրջ 100 ուժայիններ(տեսանյութ)
31-08-2015 16:38:21 | Ուկրաինա | Միջազգային
Կիևի ոստիկանապետ Ալեքսանդր Տերեշչուկը հայտարարել է, որ Ուկրաինայի Գերագույն Ռադայի շենքի առջև տեղի ունեցած բախումների հետևանքով տուժել են շուրջ 100 ուժայիններ: Այս մասին գրում է gazeta.ru-ն` վկայակոչելով «112 Украина»-ին:
«Պայթյունից հետո շատ արյուն է թափվել: Ուժեղ պայթյունի կապակցությամբ կա երկու վարկած` կամ այն եղել է ինքանշեն, կամ ձեռքի նռնակ: Իրավապահ մարմինները ներկայումս փորձում են պարզել այդ փաստը»,- հայտարարել է Տերեշչուկը:
Տեղեկացնենք, որ Ուկրաինայի Գերագույն Ռադան առաջին ընթերցմամբ օրենքի նախագիծ է ընդունել Սահմանադրության մեջ իշխանության ապակենտրոնացման ուղղությամբ փոփոխություններ մտցնելու մասին, ինչը երկրում մեծ դժգոհության պատճառ է դարձել:
Բազմաթիվ ցուցարարներ գրոհելով Ռադայի շենքը` պահանջել են չեղյալ հայտարարել ընդունված նախագիծը: Ցուցարարները ոստիկանության ուղղությամբ նռնակ են նետել: Ոստիկանությունը փորձել է ուժով ցրել ցույցը: Դեպքի վայր են ժամանել հատուկ ջոկատայինները, նրանք ցուցարարներին ցրելու համար արցունքաբեր գազ և պայթուցիկ փաթեթներ են կիրառել:
ՀԱՅԵՐԵՆ
Русский
English
Դաս. հայերեն
French
