Արցախի և Հայաստանի նախագահները ներկա են գտնվել Ջուզեպպե Վերդիի <<Ռեքվիեմ>> օպերայի բեմադրությանը
02-09-2015 11:41:35 | | Մամլո հաղորդագրություն
Արցախի Հանրապետության եւ Հայաստանի Հանրապետության նախագահներ Բակո Սահակյանը եւ Սերժ Սարգսյանը սեպտեմբերի 1-ին Ստեփանակերտի Վերածննդի հրապարակում ներկա են գտնվել Ջուզեպպե Վերդիի <<Ռեքվիեմ>> օպերայի բեմադրությանը:
Նախագահ Սահակյանը գոհունակությամբ նշել է, որ մեր հանրապետությունում օպերային բեմադրությունները հանրաճանաչ աստղերի մասնակցությամբ դարձել են բարի ավանդույթ եւ արդեն իսկ վկայում են, որ Արցախը դարձել է տարածաշրջանի կարեւորագույն մշակութային կենտրոններից մեկը:
Միջոցառմանը մասնակցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԼՂՀ ԱԺ նախագահ Աշոտ Ղուլյանը, վարչապետ Արայիկ Հարությունյանը, Արցախի եւ Հայաստանի բարձրաստիճան պաշտոնյաներ, ներկայացուցիչներ Սփյուռքից եւ հյուրեր արտերկրից:
Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից։